سوزي الأردنية: حرفوا كلامي عن الرسول علشان الريتش وأنا مريضة قلب
هاجمت البلوجر الأردنية سوزي موجة الانتقادات التي طالتها بعد تداول مقطع فيديو لها فُهم منه إساءة للنبي محمد صلى الله عليه وسلم، مؤكدة أنها تقصد التشبه بصفاته في الجديّة والتجارة وأن حديثها حُرِّف عمدًا لأغراض الترند وزيادة التفاعل.
سوزي الأردنية
وقالت سوزي الأردنية في "ستوري" لها عبر حسابها على موقع تبادل الصور والفيديوهات “إنستجرام”: "بجد الناس بقت بتحرف الكلام بمزاجها لي أجل الريتش وتوديني في داهيه أهم حاجه الريتش والشو وجو الحماس وتكبير المواضيع بقول الرسول عليه أفضل الصلاه والسلام على دماغي بقصد بالكلمة إنه طبعا تكبير وتعظيم وحب في إن الرسول تاجر ومتعلم وانا بشتغل يعتبر في تجاره ومتعلم بتكلم إن رسولنا عليه افضل الصلاة والسلام حاجه عمرها ما تتقارن من جمالها وعظمتها الكلام اتحرف بشكل تاني وعشان أروح في داهية في حسب الله ونعم الوكيل وهي كدا كدا خربت من كل ناحية وسلمت أمري لي ربنا بجد لاني انا من جوايا مش وحشه ونيتي عمرها ما كان غلط او كانت زي م الناس بتحرفها كدا لو حصل لي حاجه المرادي مش مسمحه لأني فعلا اتيت جامد وعندها تحرف الكلام وتكبر الموضيع لي أجل الريتش والترند لاني مريضة قلب واللي بيتقال عليا وبيحصل ليا دا حرفيا كتير أوي بجد وكبير أوي عليا أنا معملتش حاجه لي كل دا".
سوزي الأردنية تنهار بعد الهجوم عليها: "سلمت أمري لربنا ومش مسامحة"
وفي توضيح آخرت نشرت: " كتبت: "جماعة أنا حابة أوضح حاجة مهمة جدا.. في اللقاء اللي اتذاع كنت بتكلم بعفويتي زي دايما وقلت حاجة عن الرسول عليه الصلاة والسلام الناس للأسف فهموها بطريقة تانية خالص.. أنا كنت أقصد أقول إن الرسول عليه الصلاة والسلام كان بيشتغل في التجارة وكان معروف بأمانته وكان معاه زي شهادة من السيدة خديجة بتوثق شغله فكنت بتكلم عن نفسي إني بشتغل ومعايا شهادة يعني بحاول أتشبه بالأخلاق الحلوة والجدية في الشغل مش أكتر ولا أقل.
واضافت: "مستحيل أكون أقصد أي إساءة أو استهزاء واللي يعرفني يعرف أنا قد إيه بحترم ديني وبدعي إني أكون دايما عند حسن ظن ربنا والناس".
