انفراد.. نشر أقوال "سائق الفردوس" ضحية التعدى بأكتوبر: "وقفت اتفرج على عربيتي وهى بتتكسر"
أمرت نيابة أول وثالث اكتوبر برئاسة المستشار أحمد عبد المجيد، اليوم الجمعة، بحبس موظف بالمعاش المتهم في واقعة إتلاف سيارة "مينى فان سوزوكي" بكمبوند الفردوس، والتعدي على السائق 4 أيام على ذمة التحقيقات، فيما قررت إخلاء سبيل زوجته بضمان محل إقامتها.
ويستكمل موقع “نيوز روم” إنفراده بنشر نص أقوال “إسماعيل” السائق المعتدي عليه من قبل موظف بالمعاش في كمبوند شهير بأكتوبر، أو أمس الأربعاء، ما تسبب في إتلاف سيارة الأول بالكامل.
س:متی و این حدث ذلك ؟
ج الكلام ده حصل يوم الاربعاء الموافق ٢٠٢٥/٣/١٢ حوالي الساعة ٧:٣٠ صباحاً - بمدينة الفردوس - ٦ اکتوبر
س: وما سبب و مناسبة تواجدك بالزمان والمكان سالفي الذكر ؟
ج: كنت هناك بجيب الأطفال عشان اوديهم المدرسة بتاعتهم.
س :ومن كان برفقتك آنذاك ؟
ج: كنت أنا والأولاد بتوع المدرسة والأستاذة مدرسة في المدرسة سمها بسمة بس معرفش بقي اسمها.
س: وما هي طبيعة عملك تحديداً ؟
ج: أنا سواق على عربية فان.
س: ملك من السيارة محل قيادتك ؟
ج:هي بتاعتي.
س:وما مدى وجود ثمة ما يفيد ملكيتك للسيارة محل قيادتك تحديداً ؟
ج: في معايا رخصة ليها باسم ابني مقدمة في المحضر.
س: وما مدى وجود ثمة تصاريح عمل كونك سائق على السيارة خاصتك تحديداً ؟
ج: لا هي احنا العربية بتترخص ملاكي بس بنشتغل جوة الأحياء و المدن نقل ركاب بدل الأجرة والأماكن اللي مبتدخلش فيها الميكروباصات فسترزق على العربية و بنقل أطفال للمدرسة.
س: وما هي أسم المدرسة المراد نقل الطلاب إليها تحديداً ؟
ج: مش متذكر اسم المدرسة هي في حنة أسمها أبو رواش.
س: ما هي خطوط السير الخاصة بك تحديدا ؟
ج أنا بجيب طلبة من الهرم سيتي و من دار مصر و من أشجار سيتي و آخر حاجة الفردوس كلهم هنا في أكتوبر قريبين من بعض في نفس المكان يعتبر.
س: وما هو المقابل نظير ذلك العمل الذي تقوم به تحديداً ؟
ج: أنا باخد يوميتي من إدارة المدرسة بس بالشهر كدة.
س: وما مدى وجود ثمة تعاقدات فيما بينك وبين المدرسة تحديداً ؟
ج: لا مفيش عقد بيني و بين المدرسة بس في اتفاق ما بينا و بين بعض كدة بس بروح اجيب الطلبة اللي في الأماكن دي و بروح بيهم على المدرسة زي إمبارح كدة لما كنت بجيب طلبة بتوع منطقة الفردوس آخر حاجة.
س: إلى أين كانت وجهتك آنذاك ؟
ج: أنا كنت لسة رايح أخد الأولاد بتوع الفردوس عشان أروح على المدرسة بس حصلت الحادثة و أنا بجيبهم من هناك.
س: وما هي كيفية ارتكاب الحادث محل الواقعة تحديداً ؟
ج:هو وانا ماشي مرة واحدة و طالع من تقاطع في الفردوس بس مش عارف اسم الشارع التي كنت فيه أنا اتفاجئت لقيت واحدة ست سايقة عربية و جاية عليا بسرعة أول لما طلعت بالعربية من الشارع لقيتها خبطتني ملحقتش تفاديني.
س: وما هي وجهة السيارة مرتكبة الحادث محل قيادة المتهمة الثانية تحديداً ؟
ج هي كانت جاية من على شمالي.
س: وما هي السرعة التي كنت تسير عليها تحديداً ؟
ج انا كنت ماشي على سرعة حوالي ٤٠ كم / ساعة كنت مهدي عشان كنت لسة طالع من ملف و ملحق احد سرعة
س: وما هي السرعة التي كنت تسير عليها السيارة محل قيادة المتهمة الثانية تحديداً ؟
ج مش عارف بالظبط بس هي كانت جاية بسرعة كانت ماشية حوالي على ٦٠ او ٨٠ كم / ساعة تقريباً معرفت بالظبط
س وما هي حالة الطريق آنذاك ؟
ج هو الطريق كان فاضي عشان كنا الصبح بدري.
س وما هي حالة الضوء و الرؤية آنذاك ؟
ج هي الدنيا كانت منورة عشان كنا الصبح
س: ما هي طبيعة الطريق من حيث الحارات تحديداً ؟
ج: هو الشارع اللي انا كنت ماشي فيه موازي للطريق الرئيسي هو يعتبر جانبي وهو حارة واحدة بس و التقاطع ده مفيهوش ولا ميدان ولا صائية أو أي حاجة هو تقاطع عادي جدا .
س: وما هي طبيعة الطريق محل وقوع الحادث تحديداً ؟
ج هو المكان اللي حصل فيه الحادثة بالظبط كنت أول لما انا طلعت بالعربية من الشارع الجانبي اللي انا كنت ماشي فيه هي ساعتها خبطت فيا.
س: وما مدى رؤيتك للطريق القادم من الاتجاة الجانبي بالنسبة اليك آنذاك ؟
ج: أنا في العادي ببص على الطريق لو انا بعدي من حاجة زي دي بس المرة دي أول لما طلعت بالعربة لقيتها من سرعتها خبطت فيا على طول انا حتى مشوفتهاش و هي جاية لا كنت لحقت اشوف أي حاجة.
س هل حاولت تحاول مفادتها السيارة مرتكبة الحادث أو آنذاك ؟
ج لا ملحقتش أعمل أي حاجة انا ولا شوفتها غير و هي بتخبط في العربية .
