بعد انفعال محمد صبحي على والده.. نجل السائق يرد: ما أجرمش واللي حصل معاه عيب
علق نجل سائق الفنان محمد صبحي على الفيديو المتداول، والذي انفعل فيه صبحي على والده أمس بعد تكريمه على مسرح الهناجر بدار الأوبرا المصرية، فبعد مغاردة الفنان للمسرح التف الجمهور والمصورون حوله؛ مما تسبب في حالة من الزحام والتكدس، وهو الأمر الذي جعله ينفعل لتأخر السائق عليه وعدم انتظاره.
وأرسل نجل محمد صبحي رسالة إلى إحدى الصفحات التي تناولت الموضوع، وكشف فيه كواليس الموقف، مؤكدًا أن والده مظلوم، ولا يستحق التعامل بهذه الطريقة من الفنان: “الراجل اللي بيجري وراه ده هو أبويا، واللي حصل أن أبويا راح الحمام، وللعلم هو عنده 65 سنة يعني مش صغير لما طلع هو مكلموش لأنه مش بيطلع معاه كثير أصلا. هو سواق أخته مدام سلوى عشان كده هو كان بيكلمها لما خرج.. وأبويا غلط آه معترضتش”.
اللي حصل ده عيب جدا
وأضاف: “بس اللي حصل ده عيب جدا ولاقيت ناس عمالة تقول السواق مهمل والسواق مش عارف إيه ولازم يقف جنب العربية موقف طبيعي جدا، ووالدي طول عمره سواق وبيحصل مع كل الناس نفس الموقف ده وعادي بيعدي هو ما أجرمش”.
وتابع: “أنا طالب لو هتنزلي توضيح عشان الراجل ميبقاش متهان قدام العالم كله وكمان ألاقي كلام وحش من ناس لا عارفة ولا فاهمة اللي حصل، على فكرة أنا أبويا كان شغال مع واحد ومشي بسبب إنه قاله اغسل العربيات وده مش شغله.. يعني أبويا مش بيذل نفسه ولا هو اللي عمل كده في نفسه زي ما الناس بتقول”.
