د.عمرو حسن يؤكد: الجنين بيتوتر من تناول الفشار في السينما
يعتبر الفشار من الأطعمة التي تشتهيها بعض النساء أثناء الحمل، يحتوي على عناصر غذائية مفيدة لصحة الأم والجنين، ومع ذلك، يجب تناوله باعتدال، لتجنب أضراره المحتملة.
تعزيز نمو الجنين
يتميز الفشار بمحتواه العالي من البروتين، وهو من العناصر الغذائية التي تحتاجها الحامل، تحديدًا في الثلث الثاني والثالث من الحمل، لتحسين نمو الجنين.
هل تناول الفشار صحي أم لا؟، 3 عوامل تحدد ذلك مقاومة تعب الحمل يساعد الفشار على تقليل الشعور بالتعب أثناء الحمل، ويرجع السبب إلى الكربوهيدرات المتوفرة به، حيث تمد الجسم بالطاقة والحيوية والنشاط، وتقاوم الخمول والإرهاق.
وكشف دكتور عمرو حسن أستاذ أمراش النساء والتوليد علاقة التوتر بالفشارفي السينما لدي الحوامل.
ليه الجنين بيتوتر من الفيشار في السينما؟
وأكد، د عمرو حسن أن فيلم جديد، إضاءة خافتة، وصوت عالي، ورائحة الفشار مغرية بشكل يجعلك تنسين كل حاجة!
بس السؤال هنا:
هل الجنين بيشاركك الحماس؟
ولا بيعيش في حفلة توتر ما بين الدهون والصوديوم؟!
الفشار في طبيعته وجبة هايلة!
الفشار لو اتعمل في البيت بزيت خفيف وملح بسيط، بيكون:
- غني بالألياف
- فيه مضادات أكسدة
- بيساعد في الهضم
- وبيسد النفس وقت الوحم من غير سعرات عالية
ولكن السينما بتدخل على الخط!
وأشار إيه اللي بيحصل لما الفشار يلبس لبس السينما؟
بيتعمل بزبدة صناعية أو زيت مهدرج (اللي مش بس بيضر القلب، لكن كمان ممكن يزود الالتهاب)
بيتغرق ملح! وده ممكن يرفع ضغط الدم
بيتحط عليه نكهات صناعية: جبنة، كراميل، باربكيو… حاجات شكلها لذيذ بس جسم الحامل مش بيحبها
النتيجة؟
قنبلة غذائية من صوديوم + دهون مشبعة + إضافات كيميائية
والجنين جواه بيقول:
"فيه إيه برا؟ "
لماذا يمكن أن يزعج الجنين؟
1. الملح الزائد = ضغط دم مرتفع
وده خطر على الأم والجنين، خاصة لو فيه تاريخ لتسمم الحمل
2. الدهون الصناعية = التهاب مزمن
والجسم وقت الحمل بيكون محتاج هدوء، مش حاجات تزود التوتر الخلوي
3. النكهات الصناعية = غثيان + حموضة + حساسية
الجهاز الهضمي في الحمل بيكون حساس جدًا… وكل ما هو صناعي بيزوده سوء.
الجنين ليس ضد المتعة
هو بس بيحب الهدوء الغذائي
الهدوء اللي يخليه ينمو في بيئة متوازنة، من غير صدمات كيميائية!
لو رايحة السينما ومش قادرة تقاومي ريحة الفشار:
خدي كمية صغيرة جدًا من فشار السينما… بس من غير نكهات.
واشربي مياه بعده علشان توازني نسبة الصوديوم في جسمك.
الفكرة مش في حرمانك.
الفكرة إنك تاكلي وانتي متطمنة.
وإن الجنين يعيش اللحظة معاكي، من غير توتر داخلي ولا إزعاج غذائي.
