أبرز تصريحات "شيكابالا "مع إبراهيم فايق وما خلف الكواليس في نادي الزمالك
في حلقة خاصة من برنامج إبراهيم فايق، تصدّر اللاعب المصري الأسطورة محمود عبد الرازق "شيكابالا" المشهد بتصريحات صادقة وحميمية كشف خلالها عن اعتزاله كرة القدم معلقًا على قرار نادي الزمالك بحجب القميص رقم 10 بعد اعتزاله، كما تطرق إلى طبيعة علاقته بالإدارة واللاعبين، وردّ على بعض الاتهامات التي لاحقته خلال مسيرته.
شيكابالا يعلن اعتزاله رسميًا
بعد رحلة استمرت 20 عاما على المستطيل الأخضر، أعلن محمود عبد الرازق شيكابالا أسطورة نادى الزمالك اعتزال كرة القدم .
وقال: شيكابالا عبر قناة إم بي سي مصر2: انتهت رحلتي مع كرة القدم، أنا حاسس أنى قدمت كل حاجة مع الزمالك وكرة القدم وكان لازم اخد القرار ده، مضيفا قدمت كل حاجة وجمهور الزمالك هيفضل في قلبي.
وأضاف شيكا أنا شايف حب الناس ليا وجمهور الزمالك هيفضل يحب شيكابالا بعد الإعتزال، كان في ناس كتير طلبت منى أكمل سنة كمان لكن أنا شوفت أن ده المناسب.
وتحدث شيكا عن اول من اهداه “جزمة كورة ” وقال ان كابتن نبيل نصير هو اول من اهداه حذاء كورة قدم
وتابع لعبت اول مبارة درجة اولى وانا عندي 15 سنة مع مدرب الزمالك السابق مستر “كابرال”
وأوضح: كنت واخد قرار الإعتزال اخر الموسم ولكن أجلت الإعلان علشان محمد عبدالشافي كان رافض يعمل مباراة اعتزال فكان لازم يتكرم بالشكل اللي يليق بيه من الجمهور في نهائي كأس مصر.
وتابع ميدو جالي لحد البيت علشان كان فاكر أن في حد بيضغط عليا علشان اعتزل، قالي مينفعشي تعتزل دلوقتي لو أنت مش عايز وانت لسه في عقدك سنه وأنت صاحب القرار.. لكن أنا كان قراري اعتزل الموسم ده بدون أي ضغوط.
وقال شيكابالا في ظهوره على قناة MBC MASR: أدرس إقامة مباراة لاعتزالي، ورفضت الإعلان مبكراً عن قراري احتراماً لمحمد عبد الشافي الذي كان أيضا اتخذ قرار اعتزاله منذ فترة طويلة، ومن وجهة نظري شيفو من أعظم اللاعبين إللي دخلوا أوضة اللبس بنادي الزمالك.
وتابع شيكابالا هناك أكثر من شخص داخل وخارج نادي الزمالك طالبوني بالتراجع عن قرار الاعتزال، ولكن قراري كان نهائيا.
وأضاف، قائد نادي الزمالك قائلا: ما أغضبني وأحزنني في الأيام الماضية، هو تداول كلام مغلوط عن قيامي التواصل مع مجلس الإدارة للبقاء مع الفريق وهذا غير صحيح لأن عقدي مع النادي لا يزال يتبقى فيه موسم آخر.
وأوضح، انا اتظلمت جامد ساعة ضربة الجزاء وقت مباراة النادي الاهلي ، انا مش محتاج اخد اللقطة من حد واسمي مكنش موجود .
وتابع، قرار اعتزالي ليس وليد اللحظة، قراري توصلت اليه العام الماضي بالاعتزال وهي دي سنة الحياة، أشعر أنني قدمت كل مافي وسعي للنادي والرحلة نهايتها قفلت حلو بلقب كأس مصر.
حجب رقم 10 شيكابالا في الموسم المقبل
وعن قرر مجلس إدارة نادي الزمالك برئاسة الكابتن حسين لبيب بالتنسيق مع جون إدوارد المدير الرياضي للفريق ، حجب القميص رقم 10 في الموسم المقبل، والذي كان يرتديه محمود عبد الرازق"شيكابالا" قائد الفريق، بعدما أعلن اللاعب اعتزاله لكرة القدم.
تاثر شيكا بالخبر وقال ده بيعنيلي حاجات كتير..لما مجلس إدارة النادي والمدير الرياضي جون إدوارد يقرروا حجب الرقم 10 بعد اعتزالي، ده شرف كبير.. دي رسالة للجميع إن الزمالك بيحترم اللي قدموا له ،مضيفًا الرقم مش هيلبسه حد تاني.. ده تكريم للتاريخ اللي عملته، ورسالة للعيبة الصغيرين إنهم لو اخلصوا وعملوا زيهم، هيتكرموا برضه.
وأضاف ، أنا ابن التالتة يمين دي حاجة بتبسطني لما يقولوها عليّ، بس الحقيقة إن أي حاجة غلط بشوفها هقولها.. بس جوه اوضة اللبس ، مش في التلفزيون.
خلف الكواليس
وتابع عن رحيل جوزيه جوميز المدرب السابق جوميز كان قريب مني جدًا.. وأكيد كنت متخيل يغادر، لكن الجمهور زعلان لأنهم بيحبوه الراجل ده "لايق" علينا.. والمدرب اللايق بيفهم مشاكل الفريق،مؤكدًأ في حاجات كتير حصلت معاه ماينفعش أتكلم فيها دلوقتي.. هو ممكن يفضحها في يوم من الأيام.
وأكد رفضت أكون جزءًا من مؤامرة ضد جروس.. دي أخلاق الزمالك، مضيفًا كابتن عبدالواحد السيد (مدير الكرة) قال لي: نقعد مع رئيس النادي عشان نطرد جروس.. أنا رفضت و قلتله ده عيب في حق التيشيرت اللي لابسه، وشرح موقفه قائلا لو قعدت في الاجتماع ده، هيتقال عليا الخاين.. أنا متربي إن مشاكل الفريق تتقال للمدرب مباشرة، مش نعمل مؤامرات من وراه.
واختتم حديثه برسالة مؤثرة: الناس اللي شايفاني دلوقتي.. لازم يعرفوا إن الوصول للقمة مش بالفلوس، بل بالإخلاص،و أنا وصلت هنا لأني بقالي سنين باضحك وأبكي مع الزمالك.. وده شرف حياتي.
وكانت مفاجاة الحلقة توقيع شيكابالاعقود الانضمام لبرنامج الكورة مع فايق في MBCMASR2 برعاية موسم الرياض
