سمية الخشاب : المثلية الجنسية حرية شخصية وعندي أصدقاء عندهم الفكرة وناجحين
كشفت الفنانة سمية الخشاب خلال لقائها في برنامج "الفصول الأربعة" مع علي ياسين عن رأيها في المثلية الجنسية .
وقالت سمية الخشاب: فكرة المثلية دي حرية شخصية أنا مقدرش أعلق على دا، وأنا عندي أصحاب كتير جدا كل واحد يعني ممكن يكون حد عنده فكرة المثلية لكن هو عبقري أو ذكي أو شاطر وناجح في حياته، دي حاجة خاصة أنا مليش علاقة".
وردت سمية الخشاب على سؤال مقدم البرنامج على إمكانية حذف فيلم "حين ميسرة" من تاريخها الفني ومشهدها مع غادة عبد الرازق والذي كان يشير إلى المثلية الجنسية وقالت: "مش هشطب الفيلم من أرشيفي لأنه حالة أنت كممثل بتأدي الدور أيا كان زي ما المخرج عايزة أنت ممثل بتؤدي الدور اللي مكتوب في الورق، "حين ميسرة" كله على بعضه بكل قضاياه ومشاهده الجريئة هو حالة حقيقة، إزاي بنت زي دي وهي بريئة جدا والمجتمع كله مساعدهاش واضطرت أنها تتخبط من نماذج مختلفة في المجتمع ونفسيات غير سوية".
دخول سمية الخشاب لـ مسلسل عائلة الحج متولي
وقالت سمية الخشاب: "في بداية التحضير للمسلسل، كنت متضايقة جدًا إني مش من ضمن فريق العمل، وكنت شايفة إن المسلسل ضخم، وفرصة قوية لأي فنانة، خصوصًا مع وجود أسماء كبيرة زي نور الشريف، وفادية عبد الغني، وغادة عبد الرازق وغيرهم".
وأضافت سمية الخشاب: "لكن حصل شيء مفاجئ تمامًا، وقبل التصوير بيوم واحد، كلمني المنتج وقال لي: (بثينة رشوان اعتذرت، وهنبدأ تصوير بكرة).. وطبعًا وافقت فورًا، وبدأت أجهز نفسي خلال ساعات".
دعم نور الشريف لـ سمية الخشاب
وأشارت سمية الخشاب إلى أن القرار جاء بسرعة، لكن الثقة التي منحها لها فريق العمل، خاصة النجم الراحل نور الشريف، ساعدتها على الدخول في الشخصية بسرعة، وتقديم أداء نال إعجاب الجمهور والنقاد.
وأكدت الفنانة سمية الخشاب أن الدور شكّل نقطة تحول في مسيرتها، وفتح لها أبوابًا واسعة في عالم الدراما، وقالت: "رغم إن دخولي كان في اللحظة الأخيرة، إلا إن الدور ده من أهم الأدوار اللي لعبتها، والناس لحد دلوقتي بتفتكرني بيه".
