سمية الخشاب تثير الجدل بعد مسلسل أم 44: "لازم الزوجة تطيع حماتها"
كشفت النجمة سمية الخشاب عن سعادتها الكبيرة بالمشاركة في المسلسل الخليجي "أم 44"، الذي عُرض في رمضان الماضي لعام 2025، الذي حقق صدى واسع في السعودية والمنطقة الخليجية، وجاءت تصريحاتها خلال لقائها في برنامج "الفصول الأربعة" مع الإعلامي علي ياسين، حيث تحدثت عن تجربتها الجديدة، واصفة إياها بـ"المميزة والمليئة بالتحديات".
وقالت الفنانة سمية الخشاب: "أنا عارفة إن عندي جمهور خليجي كبير، خصوصًا من أيام الحاج متولي وريا وسكينة، وعلاقتي بيهم قوية جدًا. لكن كانت مفاجأة بالنسبة لهم إن أشارك في عمل سعودي ويتصور في الرياض، وده خلاني متحمسة أكتر".
وأضافت سمية الخشاب عن مسلسل أم 44: "أم 44 كان من أقوى الأعمال الرمضانية.. وكنا في الصدارة، وده كان متوقع من أول يوم، وفعلاً قلت لفريق العمل كده. وبشكرهم كلهم على الجهد الكبير اللي اتعمل".
سبب مشاركة سمية الخشاب في مسلسل أم 44
عن السبب الذي جذبها للمشاركة، أوضحت سمية الخشاب أن فكرة العمل "مثيرة للجدل"، وهذا كان أحد أسباب قبولها له: "المسلسل بيتكلم عن الست اللي في الأربعين، واحتياجاتها النفسية والاجتماعية، وعلاقاتها بأصدقاءها وتغيراتها الداخلية، وهي مواضيع قليل لما بنشوفها تتعرض بالشكل ده".
وتابعت: "لما قريت الورق، كنت معجبة جدًا بيه، ومن زمان مشوفتش نص بالعمق ده. والمؤلفة قالتلي: وأنا بكتب شخصية (ماهيتاب) مش شايفة حد غيرك يلعب الدور.. وده خلاني أحس بالفخر".
قضايا إنسانية صعبة
سلّط المسلسل الضوء على علاقات إنسانية صعبة، منها بحسب سمية الخشاب: "ميس قمر قدمت دور زوجة رجل بيعاكس الشغالة، ودي مصيبة سودا! تبقى ست جميلة وجوزها يبص للخدامة بتاعتها؟! للأسف ده موجود".
وأضافت أيضًا: "وفي شخصية الزوج الملياردير اللي عايش يبخل على بيته ويخلي مراته هي اللي تشتغل وتصرف، مع إنه بيحتضر! طب أنت بتحوش لمين؟!".
سمية الخشاب: “الزوجة لازم تطيع حماتها”
واختتمت سمية الخشاب حديثها بنصيحة للنساء حول العلاقة مع "الحما"، وقالت: "الزوجة لازم تطيع حماتها لأنها في مقام أمها، ودي أم زوجها ودعوتها مستجابة.. متخليهاش تدعي عليكي، وحاولي تراضيها بذكائك، لأن في حموات كتير جدًا بتكون في صف زوجة ابنها.. أنا شخصيًا كان في حياتي حما كانت أم ليا.. وده نفس اللي حصل في أم 44".
