علم الجيل الجديد.. سمية الخشاب تشيد ببرنامج "قطايف" لـ سامح حسين |خاص

أشادت الفنانة سمية الخشاب ببرنامج "قطايف" للفنان سامح حسين، الذي يُعرض في الموسم الرمضاني 2025، معبرة عن سعادتها بنجاح البرنامج وفكرته المميزة.

وقالت سمية الخشاب في ندوة "نيوز رووم":"أنا فرحانة جدًا لسامح حسين لأن الحاجات دي أرزاق، ولما ربنا بيبقى رايد إن حد ينجح محدش بيقف قدام النجاح ده، والفكرة رزق، ولما ربنا بيجيب فكرة معينة في دماغ مؤلف فده من عند ربنا، لما تنزلك فكرة واللسان ينطق بيها والقلم يكتبها".

وأضافت سمية الخشاب:"ربنا رزق سامح حسين السنة دي بفكرة حلوة ومحترمة وفيها خير، لأنه بيعلم الناس حاجات حلوة وبيتكلم عن العادات والتقاليد، وبيعلم الجيل الجديد حاجات هم مفتقدينها ومش بياخدوها في المدارس، فهو ضرب في حتة حلوة واعتمد على طريقتهم وأدواتهم. وربنا رزقه بالنجاح ما شاء الله، وبقوله مبروك، ودي حاجة حلوة جدًا، وياريت يكمل في ده لأننا مفتقدين النوع ده من البرامج".

كما تحدثت سمية الخشاب عن أهمية البرامج التوعوية التي تقدم محتوى مفيدًا بشكل جذاب، مؤكدة على ضرورة التوعية بأسلوب ذكي وخفيف، خاصة في ظل انتشار التطبيقات التي تؤثر سلبًا على الجيل الجديد، قائلة:

"الجيل الجديد ده لو راح في سكة الأفكار والعادات اللي هي مش بتاعتنا، مش هيبقى فاهم إيه ينفع وإيه ماينفعش، وإيه صح وإيه غلط، وإيه عيب وإيه حرام. لازم الحاجات دي تبقى جزء من التربية جنب الدراسة."

وفي سياق متصل، كرّم موقع "نيوز رووم" النجمة سمية الخشاب عن أدائها المميز في المسلسل الخليجي "أم 44"، حيث تقدم شخصية "ماهيتاب" في تجربة درامية جديدة ضمن الموسم الرمضاني 2025.

وتحدثت سمية الخشاب خلال الحوار عن مشاركتها في الدراما الخليجية للمرة الأولى، وكواليس التصوير في السعودية، والتعاون مع أبطال العمل، كما تطرقت إلى الحديث عن الأعمال التي نالت إعجابها في الموسم الرمضاني، وأشادت ببرنامج "قطايف" لسامح حسين، وعلقت على اعتزال المخرج محمد سامي، مشيرة إلى أن الدراما لا تتوقف عند شخص بعينه، إلى جانب مناقشتها لعدة أمور أخرى