هاجر الشرنوبي تتأثر خلال حديثها عن والدها: نصيحته لي غيرت حياتي 180 درجة

تأثرت الفنانة هاجر الشرنوبي خلال حديثها عن والدها الراحل، مشيرة إلى أنها تتمنى لو كان على قيد الحياة حيث أنها تحتاجه في كثير من تفاصيل حياتها، كما كشفت نصيحة لوالدها طبقتها وتغيرت حياتها 180 درجة.

وقالت هاجر الشرنوبي خلال لقائها مع نيوز رووم: “لو والدي موجود مكنتش هخليه يتحرك من جنبي، وهخليه يقعد جنبي طول الوقت.. كان نفسي يكون موجود في كل حاجة في يومي وكل تفاصيل حياتي، وتفاصيل حياة يوسف ابني، طول الوقت بقول لو بابا كان هنا مكانش حصل كذا”.

وعن نصائحه لها، قالت هاجر الشرنوبي: “كان بينصحني لا استلف ولا أقسط، ولكن للأسف مبعرش ما أقسطش لكن مش بستلف، لكن في نصيحة كان بيقولها لي ولو الناس عملت بيها هتبقى حياتهم عظيمة، كان يقولي: أي مشكلة لو كبيرة.. لو كبرتيها هتكبر، ولو صغرتيها هتصغر، زي لما تجمدها جوه كورة تلج هتعرف تسيطر عليها، وهي نصيحة بسيطة ولكن غيرت حياتي 180 درجة”.

هاجر الشرنوبي تطالب بضرورة تغيير قانون الرؤية

على جانب آخر، انتقدت الفنانة هاجر الشرنوبي قانون الرؤية، مناشدة الجهات المسؤولة بضرورة تغييره، واصفة بأنه قانون ظالم للرجل.

وقالت هاجر الشرنوبي خلال لقائها في نيوز رووم مستنكرة: “ايعني إيه أب يشوف ابنه ساعة ولا اتنين في مركز شباب؟ يعني إيه لما اختلف مع الأم وانفصل بيبقى أنا انفصلت عن ابني كمان. يعني إيه الابن يبقى يتيم الأب وباباه عايش. شرع ربنا مقالش كده، إحنا كسيدات عندنا منظمة حقوق المرأة وبنرد كويس.. لكن الرجالة مركزين في شغلهم ووراهم مسؤوليات مش مركزين أنهم يردوا، وبقول لهم أنتم غلطانين.. لازم الموضوع ما يتسكتش عليه”.

وأضافت “الشرنوبي”: القانون ده لازم يتغير. وشرع ربنا ما قالش كده. وأول واحدة هيحاسبها الطفل لما يكبر الأم. وبناشد كل الجهات المسؤولة بضرورة تغيير قانون الرؤية، لأنه قانون ظالم للراجل”.