عمرو أديب يوجه رسالة نارية لـ "مدبولي" بسبب حادث المنوفية|فيديو
وجّه الإعلامي عمرو أديب رسالة نارية للدكتور مصطفى مدبولي، رئيس مجلس الوزراء، بسبب عدم تقديمه واجب العزاء لضحايا حادث الطريق الإقليمي بمحافظة المنوفية.
وفي سياق متصل اقترح الإعلامي عمرو أديب تشكيل لجنة تحقيق بعد حادث الطريق الإقليمي بالمنوفية، حتى لا تتكرر الحوادث، مردفاً : "الرأي العام تحدث بصوت عالٍ خلال الفترة الماضية".
وأوضح أديب خلال برنامج "الحكاية" عبر فضائية MBC مصر، اليوم السبت: "كنت شايف إن مجلس النواب ممكن يعمل حاجة، دي مش حادثة عادية، إحنا عايزين نفهم الأشياء بتتم صح ولا لأ".
وأرف : "العيب إنك تعزّي الناس كده، أنا مش فاهم، وزير النقل بعت التعازي من خلال زميل في محطة تليفزيونية، هي الوزارة مش فيها ناس بتعرف تكتب؟ أنا عايز تعزية سطرين، الناس ساعات بتكون عدوة نفسها".
ونوة الي أن رئيس الوزراء لم يعزّ حتى الآن، أنا مش ضده، هو راجل محترم وأصيل وطيب، لكن الخارجية الأردنية قدمت العزاء، وإنت لسه معزّتش! ده واجب عليك، أنا بحبك وأعرفك من زمان، بس لو عزّيت كمان 10 دقايق مالهاش لازمة، يا راجل، طبطب على الناس، إنت رئيس وزراء مصر، ليه العند مع 100 مليون؟ طبطب عليهم".
وواصل موجّهًا حديثه للدكتور مصطفى مدبولي: "إنت قاعد على الكرسي اللي كان قاعد عليه مصطفى النحاس، العزاء ده واجب، أنا ما قلتش تروح القرية، لكن كنت قدمت العزاء، حتى وأنت بتفتتح مشروعات النهارده، ده شعب غلبان ومسكين، ده مش مصطفى مدبولي اللي نعرفه، اللي شال معانا الهم السنين اللي فاتت".
وفي وقت سابق قال الإعلامي عمرو أديب، إن الدكتورة مايا مرسي، وزيرة التضامن الاجتماعي، وظيفتها الأساسية، أن الطبطبة واحنا عاملين وزيرة في مصر للطبطبة علشان بس تروح تشوف كفر السنابسة.
وشدد أديب، عبر برنامج "الحكاية"، على "إم بي سي مصر"، على أنه المفروض الوزيرة تروح للقرية اللي فيها الحادث وتطبطب على السيدات وتاخد بخاطرهم وأهل الضحايا، مش توجه بعمل دراسات لحالات الضحايا والمصابين على الطريق الإقليمي بالمنوفية.
وفي سياق متصل كشف أيمن معاذ، عضو مجلس النواب بمحافظة المنوفية، عن تفاصيل جديدة بشأن حادث الطريق الإقليمي، والذي راح ضحيته 19 شخصًا أغلبهم من الفتيات.
وقال عضو مجلس النواب، خلال مداخلة هاتفية مع الإعلامي عمرو أديب في برنامج "الحكاية"، إن حادث الطريق الإقليمي بالمنوفية قد يكون سببه بنسبة 80% تعاطي سائق التريلا المواد المخدرة أثناء القيادة، واصفًا الحادث بأنه مؤلم للغاية.
وأوضح النائب أيمن معاذ قائلًا: أتمنى الشفاء العاجل للمصابين في هذا الحادث الأليم.
ولفت عضو مجلس النواب، إلى أن الطريق يشهد يوميًا نحو 10 حوادث، موضحًا أنه تم التواصل مع محافظ المنوفية، الذي لا يتأخر عن تلبية أي مطلب، كما تم تقديم طلب إحاطة بشأن أوضاع الطريق.
علق الإعلامي عمرو أديب، علي حادث الطريق الإقليمي بالمنوفية، والذي راح ضحيته 19 شخصًا، أغلبهم من الفتيات العاملات في إحدى المدن القريبة من الطريق.
وقال عمرو أديب خلال برنامج "الحكاية" المذاع على قناة "أم بي سي مصر" اللي حصل كارثة وعلى فكرة دي مش أول حادثة ولا آخر حادثة كوارث مصر على الطرق كارثية ونزيف الدم على الأسفلت في مصر تاريخي".
وفي سياق متصل عبر الإعلامي عمرو أديب عن استيائه من ضعف التحرك الحكومي في التعامل مع حادث الطريق الدائري الإقليمي بالمتوفية والذي أودى بحياة 19 شخصا.
وتسائل أديب قائلا: امتى هنقدر نكلم مسؤول؟ متضايقش المسؤولين الظروف صعبة أنت عايز تهيج الناس، المنظر ده في قرية مصرية فين أنتوا؟ تولع الفلوس ياعم لاقيني ولا تغديني أنا مضايق كان ممكن أرجع ورا سنة يعني بس معرفتش".
وأردف قائلا : "في كام طريق زي ده في مصر، أوعى تقولي أصل مفيش فلوس وزارة معاليك واخدة كل الفلوس ومحدش يقولي أنت مستقصد وزير النقل أنا وسيادة الفريق أصحاب والعلاقة بينا سنين طويلة".
وأشار قائلا : "الشرطة طبعا تحفظت على السائق وهيحصل اللي بيحصل كل مرة، بس في مشكلة في الطريق، الداخلية والنيابة هي المرحلة ما بعد المرحلة ودي ناس شغلها بعد المصيبة".
طريق الموت في المنوفية
وأضاف: "ايه اللي في الطريق؟ بيان من وزارة النقل والا وزارة النقل دي بمزاجها؟ فين أعضاء مجلس النواب المسؤولين عن الدايرة دي؟، وزيرة التضامن عملت مناشدة وقالت هنطلع لهم قرشين وكمان وزير العمل عايزين إيه تاني بقى؟".
وتابع: "الوزارة فين الوزراء فين؟ مش هنا منشفوهمش في الحتة دي هو عدا على الحادثة دي قد إيه يا سيادة رئيس الوزراء وفي في وزرا بتحاسبهم ووزراء لا؟".
وأوضح: "أنا مش مذيع هفأ ولما بتكلم ببقى عارف بقول إيه؟ مناشدات بإنهاء الطريق بقاله سنة والطريق اسمه طريق الموت لغاية ما نخلص بقى؟ هل معالي الوزير طلع بيان النهاردة؟ ولا حاجة ولا حتى عزا".
