ياسمين عز: لو جوزك اتجوز عليكي.. سكني ضُرتك معاكي وخليها تخدمك انتي وعيالك

قالت الإعلامية ياسمين عز، إنّه في حالة جوزك اتجوز عليكي، فإن الأفضل أن تسكني ضرتك في نفس المنزل حتى تقوم بخدمتك انتي وأبناءك، معلقة: «انتي تطبخي يوم وهي يوم، انتي تنكدي على جوزك يوم وهي يوم، لأن المثل بيقول إيد لوحدها متسقفش».

إيجابية تعدد الزوجات

وأضافت عز، خلال برنامجها «كلام الناس»، المذاع على شاشة قناة «إم بي سي مصر»، أنّ تعدد الزوجات هيخلي جوزك يوحشك، لو وحشك خير وبركة، لو موحشكيش لا يكلف الله إلا وسعها، اتطلقي يا مدام.

حلاوة البدايات

وتابعت: «لو جوزك فكر في يوم يتفضل عليكي ويخرجك ويفسحك فُسيح، في هذه الحالة لم تحتاجي إلى حضانة أو دادة أو بيبي سيتر، لأن ضرتك موجودة حية ترزق تقعد بالعيال تأكلهم وتشربهم وتلبسهم وتشيلهم هوبا على كتفها، تلف بيهم زي المروحة، وتسلطيهم عليها يجننوها ويبهدلوها ويشدوا شعرها، أطفال صغيرين هنعملهم أي، سلاحف لسه أحباب الله، عيالك متربوش يا مدام».

حلقة جديدة لياسمين عز

وأكملت: «ضرتك ما هي إلا نسخة منك في البدايات وانتي عارفة حلاوة البدايات يعني شوية كده وهتنكد على زوجك، يعني انتو الاتنين نفس الهدف».

وفي وقت سابق، وجّهت الإعلامية ياسمين عز، خلال حلقة جديدة من برنامجها "كلام الناس" على شاشة MBC مصر، رسالة مباشرة لسيدات البيوت.

نصائح ياسمين عز للسيدات 

وقالت عز بأسلوبها الصريح والمثير للجدل:"في رواية أحدهما جوزك بيقول إنه عايش معاكي عشان الولاد.. خدي بالك، ممكن يكون بيعيش معاكي زي الأخوات، وانتِ نايمة على ودانك كل شيء وارد، حتى لو قاعدين في نفس الأوضة، ممكن يقول: أنا وهي زي الأخوات".

خلي بالك من الضفدعة اللي معاه

وأضافت:"ممكن كمان يقول عليكي إنك مش مهتمة بنفسك ولا بالعيال، رغم إنك بتقومي تعمليله الفطار، وبتغسلي، وبتكنسي، وشغالة زي الفلفلة في البيت"، مؤكدة أن بعض الرجال قد ينكرون مجهود زوجاتهم ويقارنونهن بغيرهن دون وجه حق.

وتابعت عز بنبرة تحذيرية:"خلي بالك من الضفدعة اللي معاه.. اللي لا تجيد غير النقيق.. قومِي اعملي ميكاب وطبطبي حالك.. علشان مايتقالش إنك مش مهتمة.