ياسمين عز تحذر السيدات: إوعي توافقي بالتعدد بيتك هيخرب وهتندمي

قالت الإعلامية ياسمين عز، إنّ حلقة اليوم تتناول موضوع تعدد الزوجات، موضحة: «جوزك يتجوز عليكي يعني يجيبلك دُرة، لما يدخل عليكي وهو مرعوب وقلقان ويقولك عايز يتجوز عليكي أو يعدد، متعدديش انتي كمان وتقعدي تصوتي، لكن خديها بالمعنى الإيجابي».

إيجابية تعدد الزوجات

وأضافت عز، خلال برنامجها «كلام الناس»، المذاع على شاشة قناة «إم بي سي مصر»، أنّ هناك الكثير من الأشياء الموجودة في الحياة من الممكن الاستفادة منها، بمعنى سيكون لديكي 3 أو 5 أيام في الأسبوع نائمة لبعد العصر يا سيدة القصر، معلقة: «هتصحي براحتك تمرحي في البيت زي الخيل، مش هتطبخي في الأسبوع غير مرتين بس، ولما تجوعي هتاكلي في نفسك أو أي حاجة من التلاجة أو تطلبي دليفري».

القضاء على الملل الزوجي

وتابعت: «مامتك وأختك وصحابك يزوروكي في البيت أي وقت، كمان أولادك يجربوا جو الأسرة المفككة، بقالكم كتير أسرة سعيدة متماسكة، واليوم اللي جوزك هيجيلك فيه هيكون واحشك جدا ونقضي على الملل الزوجي».

وفي وقت سابق، وجهت الإعلامية ياسمين عز رسالة طريفة ومباشرة للسيدات المصريات بالتزامن مع مشاركة النادي الأهلي في بطولة كأس العالم للأندية 2025، والتي تُقام في الولايات المتحدة الأمريكية.

جوزك مش بيخونك

قالت "ياسمين عز"،خلال تقديمها برنامج "كلام الناس"، عبر فضائية "أم بي سي مصر"،: "لو لقيتي جوزك بيتسحب على طراطيف صوابعه الفجر، ده لا بيخونك ولا متجوز عليكي، ده رايح يتفرج على ماتش الأهلي في كأس العالم للأندية. سيبيه يتفرج في أمان الفرق في التوقيت بين مصر وأمريكا 8 ساعات، يعني لو الماتش الساعة 8 مساءً في أمريكا، هيكون الساعة 4 الفجر عندنا. قومي قطّعي له بطيخ فيليه من غير لب، وخليه يعيش اللحظة."

الأهلي فرّح جوزك كتير

وأشارت عز إلى أن النادي الأهلي مصدر فرحة للملايين من المصريين، قائلة: "الأهلي فرّح جوزك في مواقف كتير، ولما تلاقيه فرحان ما تستخسريش عليه البهجة. متقارنيش نفسك بالأهلي، كل واحد وله مكانته في قلبه!"

أعربت الإعلامية ياسمين عز عن حزنها بسبب خسارة النادي الأهلي، الذي تلقى خسارة فادحة أمام بالميراس في مباراة ضمن دور المجموعات من كأس العالم للأندية، والتي تُنظم حاليًا في الولايات المتحدة.