ياسمين عز توجه رسالة نارية للزمالك: مش هتشوفوا كأس العالم أبدًا

وجهت الإعلامية ومقدمة برنامج "كلام الناس"، الذي يعرض مساء اليوم الجمعة، عبر فضائية "إم بي سي مصر"، رسالة قوية للاعبي وإدارة نادي الزمالك.

صفقة زيزو وبن شرقي

وفيما يخص صفقة زيزو وبن شرقي قالت ياسمين عز، خلال برنامجها: «أنتوا مالكم؟ دي فلوس الأهلي، وهل أنتم من دفع أموال صفقة زيزو وبن شرقي وباقي الصفقات، وإصابة إمام عاشور؟ وأنت يا صديقي ما صعدتش لكأس العالم للأندية ولا عمرك هتصعد».

مباراة الأهلي أمام فريق بالميراس

وفي سياق متصل، شنت هجومًا حادًا على الشامتين في خسارة النادي الأهلي أمام فريق بالميراس وجماهير نادي الزمالك، مشيرة إلى أن النادي الأهلي يتعرض لحملة سخرية واسعة بعد الخسارة في كأس العالم للأندية.

وشددت خلال حديثها قائلة: إن صدمة إصابة إمام عاشور ما زالت مؤثرة على الجميع، وأقول لكل فرحان في خسارة الأهلي: ضعوا في أعينكم قليلًا من الملح، وفرحتم أكثر من فريق بالميراس.

واختتمت قائلة: «الدنيا كلها كوم والأهلي كوم، ولو خسر كل يوم سأشجعه وحبيبي».

وفي وقت سابق وجّهت الإعلامية ياسمين عز، خلال حلقة جديدة من برنامجها "كلام الناس" على شاشة MBC مصر، رسالة مباشرة لسيدات البيوت.

نصائح ياسمين عز للسيدات 

وقالت عز بأسلوبها الصريح والمثير للجدل:"في رواية أحدهما جوزك بيقول إنه عايش معاكي عشان الولاد.. خدي بالك، ممكن يكون بيعيش معاكي زي الأخوات، وانتِ نايمة على ودانك كل شيء وارد، حتى لو قاعدين في نفس الأوضة، ممكن يقول: أنا وهي زي الأخوات".

وأضافت:"ممكن كمان يقول عليكي إنك مش مهتمة بنفسك ولا بالعيال، رغم إنك بتقومي تعمليله الفطار، وبتغسلي، وبتكنسي، وشغالة زي الفلفلة في البيت"، مؤكدة أن بعض الرجال قد ينكرون مجهود زوجاتهم ويقارنونهن بغيرهن دون وجه حق.

وتابعت عز بنبرة تحذيرية:"خلي بالك من الضفدعة اللي معاه.. اللي لا تجيد غير النقيق.. قومِي اعملي ميكاب وطبطبي حالك.. علشان مايتقالش إنك مش مهتمة.

وجهت الإعلامية ياسمين عز، خلال حلقة اليوم من برنامجها "كلام الماس" على قناة "MBC مصر"، مجموعة من النصائح الطريفة والصريحة للفتيات المقبلات على الزواج، مشددة على أهمية الاهتمام بالنظافة الشخصية والمظهر الطبيعي دون مبالغة.

وقالت ياسمين ساخرة: "ليه قبل الفرح بيومين تيجي تقولي عايزة بشرتي تبقى زي جورجينا؟ هو الدكتور ده ساحر؟"، مضيفة: "أنتِ مش محتاجة تنضيف بشرة، أنتِ محتاجة تنضيف مخ".

وتابعت حديثها بنبرة ساخرة: "شعرك مزيت؟ روحي اغسليه، مفيش حاجة اسمها أعمل تسريحة بيلا حديد على شعر مزيت، ولا دراي شامبو، الله يرحم جدك، دي حاجات مش للفرح خالص".

وأردفت: "لو سبتِ شعرك كده، الزيت هينزل على وشك وإنت نايمة، وتلاقي نفسك صحيتِ على حباية قد الحمصية، وتروحي لدكتور الجلدية تندميه على شغلانته".

وختمت قائلة: "بالمناسبة، شعرِك المزيت ده ممكن نعمل منه مشروع زيت عباد الشمس ونكسب بيه.. بس بلاش تروحي الفرح كده".

وجهت الإعلامية ياسمين عز مجموعة من النصائح الطريفة للسيدات، خلال حلقة برنامجها "كلام الناس" المذاع عبر فضائية "إم بي سي مصر"، بمناسبة الجولة الرابعة من الدوري المصري الممتاز.