محلل رياضي: «الزمالك صنع لنفسه بطولة وهمية وسماها الفوز على الأهلي»
أعرب الناقد الرياضي محمد سعيد عن سعادته بما قاله الإعلامي عمرو أديب عن أن تحقيق الفوز على الأهلي غدًا في مباراة القمة، يعد بطولة متفردة بذاتها، مؤكدًا أن هذا هو الفارق بين عقلية جمهور الأهلي والزمالك.
وقال سعيد من خلال صفحته الرسمية على منصة " اكس" : " عمرو أديب قال إن ماتش الأهلي هو بطولة الديربي اللي هتعوضه عن الدوري وهتعيشه سعيد لنهاية الموسم أنا على مدار سنين بتكلم في إن اللي صنع الفارق التاريخي بين الأهلي والزمالك هو اختلاف العقلية".
وأكد سعيد أن هذا كان واضحًا من خلال مساندة أعضاء مجلس إدارة نادي الزمالك لفريق بيراميدز في بطولة الدوري المصري.
وتابع: "تقدر تشوف ده في موقف عضو مجلس إدارة كان بيساند بيراميدز الموسم اللي فات على حساب الأهلي وبيطلع يصرح بده وفريقه بيلعب في نفس المسابقة ولسه نظريا له فرص، تقدر تشوفه في ده في ميدو لما طلع يغني اووو بيراميدز، تقدر تشوفه ده في أحمد سليمان لما قال تعادل بطعم الفوز.
واستطرد: "وتقدر تشوف ده في كلام عمرو أديب اللي بيوثق إن الفوز على الأهلي في عقليتهم بطولة يقدر يعيش عليها سعيد ومرتاح حتى لو خسر البطولة نفسها ودي عقلية عمرها ما تصنع بطل وعمرها ما تكتب تاريخ".
وقال سعيد أن بذلك صنع الزمالك لنفسه بطولات وهمية لا وجود لها ، وهى الفوز على الأهلي ، لا نه لا يلتفت إلى المباريات الرسمية .
واختتم حديثه قائلًا: " عشان كده هتفضل الفوارق كبيرة لانه صنع لنفسه بطولات وهمية يعيش عليها، لقطة من لاعب ممكن تبقى بطولة ، انه يتعادل معاك حتى لو محققش حاجة فهي بطولة، إن فريق غيرك ياخد اللقب حتى لو مش هو يبقى برضوا بطولة. إنما انت بطولتك هي اللقب وبس وجمهورك مش بيقبل غير بده وده قدرك اللي لازم تكون قده وتحافظ عليه عشان تفضل الفوارق موجودة".
عمر أديب :" مش مهم البطولة المهم نفوز بكرة "
من جانبه دعا الإعلامي عمرو أديب لاعبى نادي الزمالك بضرورة تحقيق مكسب غدًا على النادي الأهلي، كونهم ابتعدوا عن صدارة الدوري، وبات حسم اللقب أمر غير مضمون بالنسبة للقلعة البيضاء.
وقال عمرو أديب فى تدوينة له عبر حسابه الرسمي على منصة "إكس": لم يعد أمام الزمالك إلا بطوله ديربي الأهلي، لو كسبنا الماتش يكون فيه تعويض كبير عن الدرع والكلام ده ممكن نكسب؟.. طبعا بس شيل من دماغك كل التاريخ القديم وافتكر التلاتين نقله اللى في آخر ماتش، المكسب مهم يا شباب وكفاية كمية السعادة اللي حنعيش فيها لآخر الموسم".
استعدادات الزمالك لمباراة القمة
هذا وقد استأنف فريق كرة القدم الأول بنادي الزمالك، أول تدريباته أمس الأحد ، استعدادًا لمواجهة غريمه التقليدي الأهلي، في مباراة القمة 130، المرتقبة على ملعب استاد القاهرة الدولي، في إطار منافسات الجولة الأولى من مرحلة البطولة.
