سارة وفيق عن فيلم «ريستارت»: قصته أهم من أي انتقادات سطحية
في تصريحات حديثة خلال لقاء تليفزيوني، كشفت المخرجة سارة وفيق عن أسباب توجهها المكثف نحو السينما الكوميدية، مؤكدة حبها لتقديم أعمال ترفيهية تضمن للمتفرج قضاء وقت ممتع. وأوضحت أنها تخطط للتركيز على الدراما خلال الفترة المقبلة، مشيرة إلى مشروع درامي جديد قيد الدراسة مع النجم تامر حسني.
وفي سياق متصل، ردت المخرجة سارق وفيق على انتقادات طارق الشناوي لفيلمها ريستارت، الذي يقدم بطولته النجم تامر حسني، ويُعرض حاليًا بدور العرض السينمائي، ضمن موسم أفلام عيد الأضحى الجاري.
فيلم ريستارت
وأعربت "سارة" عن استيائها من طريقة نقد طارق الشناوي للفيلم، حيث كتبت عبر حسابها على فيسبوك : "أستاذ طارق الشناوي في فرق كبير بين الإهانة وبين النقد .. حضرتك بتقول إن مفيش موضوع في الفيلم .. ودي حاجة ضحكتني جدًا لأن احنا بنتكلم عن موضوع الساعة موضوع العصر .. أكبر موضوع بيهمنا ويخصنا حاليًا".
وأكملت : " كلامك فكرني بمشهد في الفيلم للفنان محمد ثروت وهوه بيقول أنا أعمل أي حاجة عشان أبقى تريند ( احنا خدامين التريند ) وسمع كلام الچوكر ( الفنان باسم سمرة ) اللي بيشتغل لأغراض ناس".
وتابعت سارة مهاجمة طارق الشناوي، حيث كتبت : "مبروك يا أستاذ طارق .. عرفت تبقى تريند من غير ما تنقد الفيلم .. تخبط في القائمين علي العمل بعيد عن العمل نفسه . ولا اتكلمت عن إيجابياته ولا سلبياته .. لا ههاجم أشخاص وبكده هطلع تريند بسرعة .. ده موضوع الفيلم اللي أنت مافهمتوش أصلا ولا هو جالك ع الجرح ؟".
وأضافت : "وعلى فكرة أنا كمان بعرف أعمل تريند .. وهنطلع تريند أنا وأنت .. بس أنا على حق وهمنشنك عشان تظهر بسرعة .. انت بتقول إن أغنية المقص عجبتك بس هي مش داخل الفيلم .. لا يا أستاذ طارق الأغنية في الفيلم بس شكل اللي بيمليك اتلخبط".
وأكملت سارة : "ادخل شوف الفيلم اللي أنت مشوفتوش وأحكم عليه بنفسك وبلاش الأفكار السطحية اللي بتقولها على كل الأفلام .. لأنك لو شوفت ريستارت فعلاً كنت هتعرف أن قصته أهم ما فيه .. وبعدين حضرتك بتتكلم عن أدوات المخرج والمؤلف ولم تستخدم أدواتك كناقد فني .. ياريتك قولت حاجة نستفيد بيها بدال مأنت طالع ترمي إفيهات وإفيهات وحشة كمان".
نجاح فيلم ريستارت
كما أشارت المخرجة سارة وفيق إلى نجاح فيلم ريستارت، مستشهدة بإيراداته في شباك التذاكر، حيث كتبت : "الرقم اللي متحقق جوه مصر وبرا مش مجاملة يا أستاذ طارق .. ده الجمهور الحقيقي اللي بنخاطبه دول مش ولاد اختي مثلاً .. الفيلم لسه نازل وداخل علي خمسين مليون داخل مصر فقط ودا نجاح مفرح كل صناعه الحمد لله .. على العموم دي كلمتك ورأيك والجمهور قال كلمته برضو".
قصة الفيلم
والفيلم يعتمد على الكوميديا والرومانسية، ويدور حول شخصية محمد (تامر حسني)، وهو مهندس يعمل فني هواتف بسيط، ويحلم بالزواج من عفاف (هنا الزاهد)، وهي فتاة مؤثرة على "السوشيال ميديا" من منطقة شبرا، وعندما يصبح المال عائقًا أمام زواجهما، يقرران البحث عن الشهرة عبر الإنترنت بمساعدة عائلاتهما.
أبطال "ريستارت"
فيلم "ريستارت"، بطولة تامر حسني، هنا الزاهد، عصام السقا، باسم سمرة، محمد ثروت، ميمي جمال، رانيا منصور، وسيد أسامة. كما يشارك في التجربة عدد من ضيوف الشرف البارزين، بينهم إلهام شاهين، محمد رجب، شيماء سيف، وأحمد حسام ميدو، والفيلم تأليف أيمن بهجت قمر وإخراج سارة وفيق.
