يارب أنت الشافي .. أحمد زاهر يدعو لابنته ملك زاهر بعد مرضها
نشر الفنان أحمد زاهر عبر خاصية الأستوري على موقع تبادل الصور والفيديوهات إنستجرام منشورًا يطلب فيه الدعاء لابنته ملك زاهر بعد أزمة مرضها قائلا : “يارب أنت الشافي يارب”
إصابة ملك زاهر بمرض غريب
وقد أعلنت ملك زاهر صباح اليوم عن أزمة مرضها، قالت في أستوري عبر حسابها الرسمي على موقع تبادل الصور والفيديوهات إنستجرام، حيث قالت: “طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية من الأخر .. ولما كنت أحب أنزل حاجة سلبية كنت باخدها بهزار .. و بنزلها close friends وبهزر بيني وبين صحابي .. بس بجد حاسة إن الفترة الأخيرة بيجيلي كومنتس كلها مانتي عايشة و مبسوطة و احنا مش عايشين و إيه كل الي انتوا فيه .. وحاسة إن في الناس بصة علي أتفه الحاجات اللي ممكن تكون عندي أو بتبسطني .. زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين .. حبيت بس أقولكم إن الحياة مش وردي .. أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة .. و في حوالي نص ساعة قبلها كنت زي الفل .. و من ساعتها مش عارفة أنزل أو حد يشوفني بـ اللي أنا فيه ده .. ونفسيتي وحشة أوي أنا بحكي الكلام ده عشان تعرفوا بس إن حياتي فيها الحلو و الوحش والله .. زي أي حد بس أنا بحب دايما أشير الحلو بس وغالبا ده غلط .. فقررت أشارككم كمان الوحش ومع إن اللي بيحصلي دلوقتي أنا بحمد ربنا عليه .. و عارفة إنه بإذن اللّٰه هيكون حاجة بسيطة و إن شاء اللّٰه هخف وكله هيكون تمام بس هو مخلي نفسيتي وحشة أوي”.
ملك زاهر تطمئن جمهورها
واستكملت ملك زاهر حديثها قائلة: “حقيقي كل اللي طالباه إنكم متحكموش علي حد من السوشيال ميديا .. أو من ظهوره في أي حاجة لأنها بتوري بس يمكن 20٪ من حياته .. وادعولي أخف بسرعة شكرا .. الهدف من الاستوري دي مش إن أي حد يقلق .. لأن الحمد اللّٰه أنا كويسة وإن شاء اللّٰه اللي عندي ده له حل .. وأنا تمام مفيش حاجة مقلقة .. أنا بس حسيت إني محتاجة أشارك الوحش زي ما بشارك الحلو مش أكتر”.
