«ادعولي أخف بسرعة».. ملك زاهر تكشف لجمهورها حالتها الصحية
نشرت الفنانة ملك زاهر عبر صفحتها الشخصية علي موقع التواصل الاجتماعي “ إنستجرام ” منشورا توضح فيه تعرضها لأزمة صحية.
وكتبت ملك زاهر : طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية من الأخر ولما كنت أحب أنزل حاجة سلبية كنت باخدها بهزار و بنزلها close friends وبهزر بيني وبين صحابي بس بجد حاسة إن الفترة الأخيرة بيجيلي كومنتس كلها مانتي عايشة و مبسوطة و احنا مش عايشين و إيه كل الي انتوا فيه وحاسة إن في الناس بصة علي أتفه الحاجات اللي ممكن تكون عندي أو بتبسطني زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين .
وأضافت ملك زاهر: حبيت بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي
مش فاهمين سببها وجت فجأة و في حوالي نص ساعة قبلها كنت زي الفل و من ساعتها مش عارفة أنزل أو حد يشوفني بـ اللي أنا فيه ده ونفسيتي وحشة أوي أنا بحكي الكلام ده عشان تعرفوا بس إن حياتي فيها الحلو و الوحش والله زي أي حد بس أنا بحب دايما أشير الحلو بس وغالبا ده غلط فقررت أشارككم كمان الوحش ومع إن اللي بيحصلي دلوقتي أنا بحمد ربنا عليه و عارفة إنه بإذن اللّٰه هيكون حاجة بسيطة و إن شاء اللّٰه هخف وكله هيكون تمام بس هو مخلي نفسيتي وحشة أوي
السوشيال ميديا
وتابعت : حقيقي كل اللي طالباه إنكم متحكموش علي حد من السوشيال ميديا أو من ظهوره في أي حاجة لأنها بتوري بس يمكن 20٪ من حياته وادعولي أخف بسرعة شكرا .
واختتمت مالك زاهر : الهدف من الاستوري دي مش إن أي حد يقلق لأن الحمد اللّٰه أنا كويسة وإن شاء اللّٰه اللي عندي ده له حل وأنا تمام مفيش حاجة مقلقة أنا بس حسيت إني محتاجة أشارك الوحش زي ما بشارك الحلو مش أكتر .
وكانت الفنانة ملك أحمد زاهر ، تحدثت مؤخرا فى أحد البرامج التليفزيونية عن فكرة زواجها أو ارتباطها خلال الفترة القادمة كما كشفت أيضا عن علاقة حب سابقة ولكنها لم تكتمل دون أن تكشف عن أسباب فشل العلاقة
وقالت ملك أحمد زاهر: معرفش أبقى حاجة تانية غير ممثلة، أنا بحب شغلي .. وآه طبعا هتجوز بس أنا حابة دلوقتي الهدوء النفسي اللي أنا فيه.
وأضافت ملك أحمد زاهر: "أنا كان عندي تجربة مكنتش ألطف حاجة، فأنا دلوقتي بطور من نفسي وبشتغل على نفسي في حياتي الخاصة والمهنية ولما ييجي الشخص المناسب ساعتها هبدأ أركز في الحتة دي طول ما هو مفيش شخص مناسب مش هعمل ده".
