أبرز تصريحات ملك زاهر في دوبامين: مرينا بفترة مكناش لاقيين تمن الأكل |فيديو
حلت الفنانة الشابة ملك زاهر ضيفة على بودكاست دوبامين مع الإعلامي حسام المراغي، وتحدثت خلال اللقاء عن حياتها الشخصية، والأوقات الصعبة التي مرت بها أسرتها.
بترعب على أهلي من الحسد
أكدت ملك زاهر أنها تشعر بالخوف الشديد على أسرتها من الحسد، قائلة: "أنا بترعب على أهلي من الحسد.. لما بقول إني بخاف من الحسد.. الناس بتقعد تقولي: خايفة من إيه.. هيحصلكوا إيه.. هو أنتم إيه مختلف فيكم؟
تحدث ملك زاهر عن شخصيتها، وقالت إن لديها تفكير زائد، موضحة: “أنا أوفر ثينكنج.. وبركز في التفاصيل ومش بنسى.. خاصة لما بكون بعمل حاجة بحبها.. وبسامح بسهولة.. ولو قلت لي متزعليش بسامحك، ومش بحب الناس اللي مش بتواجه.. لأن أنا شخص بيواجه”.
وكشفت ملك زاهر أنها خاضت تجربة عاطفية سابقة لكن الشخص الذي كانت مرتبطة به لم يكن ناضجًا، مشيرة إلى أنها ترى أن النموذج المثالي يتمثل في والدها، قائلة: “بابا شخص مسؤول جدًا.. عارف أن الناس دي أولوية عنده أكتر من نفسه.. شخص دماغه كبيرة.. مش بيعرف يصغر دماغه على أي حاجة”.
مواصفات شريك أحلامها
وأضافت عن مواصفات شريك أحلامها: “الراجل في سني لازم يكون فاهم أني مسؤولة منه، مش بس عاطفيًا، ويكون واخد باله من مشاعري وأحاسيسي، لازم يكون شخص بيعرف يحتوي.. شخص مش بيهرب، شخص موجود طول الوقت، ولو اتخانقنا وفيه مشكلة نحلها مش نهرب منها.. الشخص الناضج بيكون عارف يتحكم في يومه.. ولو أنا لقيت الشخص اللي بحس معاه بالأمان هتنازل عن أي حاجة تانية”.
عدى علينا أوقات مكانش في فلوس في البيت
وتحدثت ملك زاهرعن معاناة أسرتها في فترة من الفترات، مؤكدة أنهم مروا بفترة صعبة حتى أنهم لم يكن لديهم خلالها ثمن الطعام، قائلة: “أمي تستحق درع البطولة وهي عمود البيت… ست قوية بكل معنى الكلمة.. عدى علينا أوقات مفيش فلوس في البيت زي أي أسرة.. مامي وبابي عمرهم ما حسسونا بحاجة. بابي جاله مرض نادر جدًا.. قعد تلات سنين مش بيشتغل.. مفيش فلوس ولا أكل وما حسسوناش بحاجة”.
وأضافت: “الناس شايفة لأننا فنانين حياتنا مختلفة.. وبيقولوا بتفطروا في ألمانيا وتتغدوا في أسبانيا.. أنا متفهمة وعذراهم.. لكن إحنا زينا زي أي أسرة في الحياة.. بنعدي يأيام وحشة وأيام حلوة.. وأيام الدنيا مستورة وأيام لأ.. وبابا بيصعب عليا لأن كلنا مسؤولين منه هو بس.. وشغلانتنا مش ثابتة.. ومفيش مربت شهري ثابت.. يا اشتغلت وجالك فلوس يا ما اشتغلتش.. هي شغلانة صعبة نفسيًا وماديًا.. وبابي الضغط عليه كبير”.
