رانيا محمود ياسين: في ناس من الوسط الفني بتغير مني.. وحسيت بالغدر
حلت الفنانة رانيا محمود ساسين ضيفة على برنامج "أوضة ضلمة" الذي تقدمه الإعلامية إنجي هشام على شاشة “هي”، وقالت إنها معجبة بأداء الفنانة هنا الزاهد ومسلسلها الأخير إقامة جبرية الذي عرض قبل شهر رمضان الحالي.
رانيا محمود ياسين والوسط الفني
وأضافت رانيا، "أنا مبغيرش من حد في الوسط الفني، وأنا بحب هنا الزاهد بتفكرني بيا وأنا ممثلة صغيرة، وعجبني تمثيلها لما عملت إقامة جبرية أنا اتفاجئت بيها نفسي أعمل دور كده".
واستكملت رانيا: "اللي غار مني كتيير في جيلي وأكبر كنت بتفاجئ من الغيرة وكنت بتعامل مع الناس كلها ولا ببص على حد ده شكله عامل ازاي ولا اغير منه، مبقلقش من الممثل القوي ببقى عايزة ابقى زيه".
الفنان المصري مستهدف بالشتيمة
وعلقت رانيا محمود ياسين على تعرض الفنانين باستمرار لانتقادات: الفنان المصري الوحيد اللي مستهدف بالشتيمة على السوشيال ميديا الدول العربية التانية مبيحصلش كده طول الوقت اهانات وحسبي الله ونعم الوكيل فيكم، ده لو فنان غلط غلطة بيتشتم اكتر من نتنياهو وترامب، لا بيفكروا انه ممكن يعيا او ينام ميقومش او عنده ولاد او ميعدوش انه غلط غلطة او ذلة.
هل الفن حرام؟
وكشفت رانيا رأيها في حرمانية الفن: "ماليش دعوة بحرام أو حلال لأن الفن ده بقاله 100 سنة سينما، ولو دخلت شتمتي فنانة يبقى ده رمي محصنات او قولتي على واحد دياثة ده كده أنت بتهينه قدام اهله".
رانيا محود ياسين ووالدها
وأختتم رانيا قائلة: "حسيت إني اتغدرت من ناس وقفت جنبهم وأبويا وقف جنبهم، بيطلعوا يتكلموا في البرامج عن قد إيه محمود ياسين وقف جنبهم، وإنهم عارفين إنّي شاطرة جدًا كممثلة ومتميزة، فالمفروض يجري عليّا أول ما يعمل حاجة، ويتقال ده دين ليا لوالدك، لكن في الحقيقة، لما بتساعد حد، المفروض ده يكون إضافة ليك، لكن في الآخر بيطلع مجرد كلام وبس".
موعد تقديم برنامج أوضة ضلمة
ويذكر أن برنامج "أوضة ضلمة" تقدمه الإعلامية إنجي هشام على شاشة قناة "هي" يوميا في الثامنة مساءً من السبت إلى الخميس، وتستضيف من خلاله أبرز نجوم الفن والرياضة الذين يكشفون كواليس بداياتهم وأسرارًا عن حياتهم.
