أغنية "سيبتك" للمطرب حسام حبيب تتصدر "التريند"
أعلنت شركة "روتانا" عن تصدر أغنية سيبتك للمطرب حسام حبيب "تريند" منصة "إكس" بعد ساعات من طرح الأغنية عبر موقع الفيديوهات الشهير "يوتيوب". وجاء ذلك الإعلان من خلال منشورًا عبر صفحة شركة روتانا الرسمية على موقع تبادل الصور والفيديوهات "إنستجرام"، حيث قالت: "سيبتك للفنان حسام حبيب .. تتصدر التريند المصري على منصة إكس".
تفاصيل أغنية "سيبتك"
وطرحت شركة روتانا منذ ساعات قليلة أغنية سيبتك، وتعد هذه الأغنية هي أول أغاني ألبوم المطرب حسام حبيب الجديد لموسم صيف 2025، وذلك عبر قناتها الرسمية على موقع الفيديوهات الشهير يوتيوب، وتعد الأغنية من كلمات أدهم معتز، ومن ألحان تامر علي، ومن توزيع أحمد وجيه، ومن إنتاج شركة روتانا.
كلمات أغنية "سيبتك"
أما عن كلمات اغنية سيبتك، فجاءت على النحو الآتي: "سيبتك تقول عليا .. حاجات ماكنتش فيا .. سيبتك تجيب اللوم عليا .. وفضلت برضو شاريك .. ضيعت فيا روحي معاك .. ليه زادت جروحي ده أنا كنت ليك أنا كان طموحي .. ازاي في يوم ارضيك .. من حبي فيك أذتني .. وجعتني بيك لقيتني .. عايش حكاية غيرتني .. والفضل يرجع ليك .. بعد السنين ما عدوا .. عايزني ده کله اهده .. بعدك ما اظنش هبقى قده .. ولا هقدر ارجع ليك .. مبسوط كده أنت يعني .. بتمشي خلاص بايعيني وارتحت لما بقيت واجعني .. معقولة هنت عليك .. فين اللي كان في حضني بيحلف لي وواعدني .. يفضل لحد ما اموت ساندني .. طب ليه بموت بأيديه .. معقول خلاص نهيتها .. مشاعري معاك نسيتها .. طب أحلامي اللي بنيتها .. تتعاش لمين بعديه .. بعد السنين ما عدوا .. عايزني ده کله اهده بعدك ما اظنش هبقى قده .. ولا هقدر ارجع ليك".
حسام حبيب في بث مباشر
وقد أعلن المطرب حسام حبيب منذ قليل، عن ظهوره في بث مباشر عبر حسابه الرسمي على موقع تيك توك خلال الساعات المقبلة لمشاركة جمهوره كواليس أغنية سيبتك، حيث أعلن ذلك من خلال خاصية الأستوري عبر حسابه الرسمي على موقع تبادل الصور والفيديوهات إنستجرام، وقال: “في لايڤ تيك توك خلال ساعات .. هنحكي مع بعض كواليس تحضيرات أغنية *سيبتك* .. وكواليس الأغنية والمشاكل والتحديات اللي وجهتنا .. وكمان بعتذر وبطمنكم عن الخطأ التقني اللي حصل في الاغنية .. وهيتم معالجة الخطأ في خلال ساعات .. منتظر أسئلتكم ورأيكم”.
