حسام حبيب يكشف كواليس أغنية سيبتك في بث مباشر على تيك توك
أعلن المطرب حسام حبيب عن ظهوره في بث مباشر عبر حسابه الرسمي على موقع تيك توك خلال الساعات المقبلة لمشاركة جمهوره كواليس أغنية سيبتك، حيث أعلن ذلك من خلال خاصية الأستوري عبر حسابه الرسمي على موقع تبادل الصور والفيديوهات إنستجرام، وقال: “في لايڤ تيك توك خلال ساعات .. هنحكي مع بعض كواليس تحضيرات أغنية *سيبتك* .. وكواليس الأغنية والمشاكل والتحديات اللي وجهتنا .. وكمان بعتذر وبطمنكم عن الخطأ التقني اللي حصل في الاغنية .. وهيتم معالجة الخطأ في خلال ساعات .. منتظر أسئلتكم ورأيكم”.
تفاصيل أغنية سيبتك
وطرحت شركة روتانا منذ ساعات أغنية سيبتك، وهي أول أغاني ألبوم المطرب حسام حبيب الجديد لموسم صيف 2025، وذلك على قناتها الرسمية بموقع الفيديوهات الشهير يوتيوب، وتعد الأغنية من كلمات أدهم معتز، ومن ألحان تامر علي، ومن توزيع أحمد وجيه، ومن إنتاج شركة روتانا.
كلمات أغنية سيبتك
وجاءت كلمات أغنية سيبتك على النحو التالي: “سيبتك تقول عليا .. حاجات ماكنتش فيا .. سيبتك تجيب اللوم عليا .. وفضلت برضو شاريك .. ضيعت فيا روحي معاك .. ليه زادت جروحي .. ده أنا كنت ليك أنا كان طموحي .. ازاي في يوم ارضيك .. من حبي فيك أذتني .. وجعتني بيك لقيتني .. عايش حكاية غيرتني .. والفضل يرجع ليك .. بعد السنين ما عدوا .. عايزني ده کله اهده .. بعدك ما اظنش هبقى قده .. ولا هقدر ارجع ليك .. مبسوط كده أنت يعني .. بتمشي خلاص بايعيني .. وارتحت لما بقيت واجعني .. معقولة هنت عليك .. فين اللي كان في حضني بيحلف لي وواعدني .. يفضل لحد ما اموت ساندني .. طب ليه بموت بأيديه .. معقول خلاص نهيتها .. مشاعري معاك نسيتها .. طب أحلامي اللي بنيتها .. تتعاش لمين بعديه .. بعد السنين ما عدوا .. عايزني ده کله اهده .. بعدك ما اظنش هبقى قده .. ولا هقدر ارجع ليك”.
حسام حبيب يتصدر التريند
وتصدر المطرب حسام حبيب، مؤخرًا التريند على جوجل ومنصات التواصل الاجتماعي بالتزامن مع طرح البرومو الرسمي لأغنية "سيبتك"، حيث ربط الكثير من الجمهور بين اسم الأغنية وبين علاقته بطليقته الفنانة شيرين عبد الوهاب، ورأى الكثير أن في ذلك تلميحًا واضحًا إلى تجربته الشخصية السابقة، خاصة وأن حسام حبيب أكد من قبل أن ألبومه الجديد يحمل الكثير من التفاصيل الخاصة بمِحن ومغامرات حياته الشخصية خلال السنوات الأخيرة.
