ياسمين عز للفتيات: «الجواز بداية سكة العذاب وهتكوني منحوسة»

وجهت الإعلامية ياسمين عز رسالة مثيرة للفتيات دعت خلالها إلى إعادة التفكير في فكرة الزواج، معتبرة أنه لا يجب أن يكون هدفًا أساسيًا في الحياة، لا سيما للفتيات في مقتبل العمر.

نصائح ياسمين عز 

وقالت عز، خلال حلقة برنامجها «كلام الناس» المذاع على قناة «MBC مصر»، إن الزواج على حد وصفها  هو «بداية سكة العذاب»، مضيفة: «إنتي في عز شبابك.. ليه عايزة تكوني من المتجوزين؟ وتفتكري إنك من الـ10% المحظوظين؟ إنتي مش من المعمّرين في الجواز.. إنتي من المنحوسين».

وأضافت بنبرة ساخرة: «لو عايزة الأمان المادي اشتغلي، ولو نفسك في خلفة هاتي سلحفاة صغيرة، ولو الأمومة ماتت فيكي خلاص، متتجوزيش خليكي كدا.. حبي نفسك أو خلي أصحابك يحبوكي».

وجهت الإعلامية ياسمين عز، خلال حلقة اليوم من برنامجها "كلام الناس"، المذاع على فضائية "MBC مصر"،  رسالة طريفة للرجال، ناشدتهم فيها بضرورة التخفيف عن زوجاتهم يوم الإجازة، خاصة يوم الجمعة.

وقالت ياسمين بأسلوبها الساخر المعتاد:"ليه يا فرعون بتصحى بدري يوم الجمعة وتدور على المشاكل؟ ليه بتفتش على عدة الشغل اللي ضايعة من سنين؟ سيب مراتك في حالها، اليوم إجازة مش معركة".

وأضافت: "مالك ومال هدومك اللي لسه في الغسيل؟ ما هي ملحقتش من كتر السلاحف اللي في البيت.. البس أي حاجة وخلاص. وبلاش زعيق، خليك ساكت يوم إجازتك علشان ما تجبلهاش جلطة وتضطر تدفع فلوس كتير.. أنا بخاف على فلوسك".

وجهت مجموعة من النصائح الطريفة والصريحة للفتيات المقبلات على الزواج، مشددة على أهمية الاهتمام بالنظافة الشخصية والمظهر الطبيعي دون مبالغة.

وقالت ياسمين ساخرة: "ليه قبل الفرح بيومين تيجي تقولي عايزة بشرتي تبقى زي جورجينا؟ هو الدكتور ده ساحر؟"، مضيفة: "أنتِ مش محتاجة تنضيف بشرة، أنتِ محتاجة تنضيف مخ".

وتابعت حديثها بنبرة ساخرة: "شعرك مزيت؟ روحي اغسليه، مفيش حاجة اسمها أعمل تسريحة بيلا حديد على شعر مزيت، ولا دراي شامبو، الله يرحم جدك، دي حاجات مش للفرح خالص".

وأردفت: "لو سبتِ شعرك كده، الزيت هينزل على وشك وإنت نايمة، وتلاقي نفسك صحيتِ على حباية قد الحمصية، وتروحي لدكتور الجلدية تندميه على شغلانته".

وختمت قائلة: "بالمناسبة، شعرِك المزيت ده ممكن نعمل منه مشروع زيت عباد الشمس ونكسب بيه.. بس بلاش تروحي الفرح كده".