«مش محتاجين تريند» .. زوجة عصام صاصا تنفي شائعة الطلاق
نفت جهاد ماهر، زوجة مؤدي المهرجانات عصام صاصا، شائعات انفصالهما، التي تم تداولها بشكل واسع على السوشيال ميديا خلال الأيام القليلة الماضية.
زوجة عصام صاصا ترد على شائعات انفصالهما
وقالت زوجة عصام صاصا عبر لايف " تيك توك" : “عايزة اتكلم معاكم في حاجة .. أنا كنت بشوف الهطل اللي كان بينزل الأيام اللي فاتت .. بس أنا ساعات بحس إن عدم الرد أريح .. أنا كنت عاملة لعصام انفولو وكنت شايلة الصور .. ولكن أنا ماسبتوش ومقولتش كده ولا هو قال .. ولكن كانت عندي مشكلة مع الأدمن على الإنستجرام .. فا كنت شايلة الفولو والإنستجرام لحد مانحل المشكلة دي وحليناها".
وأضافت : “ في الفترة دي ماكنتش بفتح السوشيال ميديا .. يعني فين وفين كده وبنام كتير .. ولما بفتح كنت بلاقي قصص وأفلام ومكنتش برد .. ولما رجعت نزلت بوست ليا أنا وعصام .. لفت انتباهي كام كومنت غريب كده .. منهم إن واحد كاتب عصام هينزل كليب فإحنا عاملين القصة دي دعاية للكليب .. طب إزاي والنبي ؟”.
وواصلت جهاد : “عصام أصلا مابينزلش لينكات لأغانيه غير لما بتنزل بعدها بكام ساعة أو لما تبقى تريند .. والأدمن هو اللي بينزل .. وعصام مش محتاج يعمل دعاية للأغنية قبل ما تنزل .. وهو بقاله معاكم 4 أو 5 سنين فأكيد دي دماغ ناس معاقة”.
وأكدت زوجة عصام صاصا، أنها لا تسعى هي وزوجها لصنع التريند بشائعات انفصالهما، قائلة : “لقيت واحدة بتقول اني بعمل تريند .. طيب أنا في الأيام دي نزلت كام حاجة .. والمفروض اللي بيعمل تريند بينزل بوستات كتير .. وفي ناس محتاجين تفكروا في الكلام قبل ما تقولوه .. وأنا مش محتاجة أعمل تريند .. لأني لما أعمل كده هستفاد إيه؟؟
واختتمت جهاد ماهر : “احنا مش محتاجين تريند .. وأنا ماكنتش عندي مشكلة مع عصام .. احنا أصلا كنا قاعدين في البيت عادي .. انتو اللي عملتوا قصص وأفلام لوحدكم”.
تصدر عصام صاصا وزوجته التريند
وكان قد تصدر عصام صاصا وزوجته التريند، خلال الأيام القليلة الماضية، عندما لاحظ رواد السوشيال ميديا، أن زوجة عصام صاصا قد لغت متابعته على إنستجرام، ولكن لم يعلن وقتها أي منهما عن سبب إلغاء المتابعة، وقد تكهن البعض أن السبب وجود خلافات بينهما، وقد رأى البعض الآخر أنه من الممكن أن يكون قد تزوج عليها مما أشغل غيرتها ولذلك ألغت متابعته.
