رفضت يوسف الشريف يبوسني|أبرز تصريحات هيدي كرم في بودكاست وفيها إيه
تحدثت الفنانة هيدي كرم عن مصطلح السينما النظيفة، وذلك خلال لقائها في بودكاست "وفيها إيه".
وقالت هيدي، "في فيلم "استغماية" أول فيلم عملته في حياتي كان في حاجات مقدرتش أعملها تحايلنا عليها وعملناها بشكل مرضي بالنسبة ليا، وفي فيلم "آخر الدنيا" كان في مشهد بيني وبين يوسف الشريف المفروض فيه قبلة وأنا قلت للمخرج أمير رمسيس إني مش هقدر أعمل كده، قلت مش هينفع ومش عايزة وفي مجتمع وعيلة، فهو كان عارف لكن مش هيقدر يلغيها لأنها مهمة للأحداث، فقال أنه هيتحايل في تكنيك الكاميرا وكانت عايزة حرفنا مننا وأحنا بنقرب من بعض في اللحظة اللي الكاميرا بتصور، هي في الحقيقة محصلتش".
وأكملت هيدي كرم: "مفيش حاجة اسمها لأ لكن في حاجة اسمها هنفذها إزاي، وفكرة السينما النظيفة والسينما غير النظيفة مودناش في داهية غير هذه الأفكار، أنا مش مع السينما التجارية بتاعة سينما ولا مشاهد، لكن أنا مش مع فكرة أن في لو في فكرة رائعة اتنازل عنها في فيلم لأن المخرج مش ذكي ومش قادر يطلعها بشكل مقبول".
وأكدت هيدي كرم إنها لا تعتبر نفسها جريئة قائلة: "لو الناس شايفين إني جريئة أنا مش شايفة إني جريئة خالص أنتوا مشفتوش حاجة الجرأة حتة تانية، أنا صادقة وبحس إني أنا المفروض مخافش من فكرة ومن دور، ومش بشوف نفسي جريئة".
أبطال فيلم جوازة توكسيك
جدير بالذكر أن فيلم جوازة توكسيك عُرض في يوليو عام 2024 من إخراج محمود كريم وتأليف لؤي السيد، وهو من بطولة ليلى علوي، بيومي فؤاد، محمد أنور، ملك قورة، تامر هجرس، نورين أبو سعد، جوهرة، مروان يونس، وعدد آخر من الفنانين.
آخر أعمال هيدي كرم
أما آخر أعمال هيدي كرم، مشاركتها في مسلسل الوصفة السحرية، والذي ضم شيري عادل، إسلام جمال، بسمة داوود، كارولين عزمي، عمر الشناوي، محمد أبو داود، هالة فاخر، سلوى محمد علي، أسامة عبدالله، سلوى عثمان، رانيا منصور، عماد رشاد، لقاء سويدان، ودارت أحداثه في إطار درامي اجتماعي.
ويذكر أن هيدي كرم عرض لها مؤخرا عبر قناة ON مسلسل "وتر حساس"، بطولة صبا مبارك ومحمد علاء وإنجي المقدم وهيدي كرم وأحمد جمال سعيد ومحمد العمروسي وهاجر عفيفي ولطيفة فهمي وتميم عبده وأحمد طارق نور ومحمد علي رزق، وهو من تأليف أمين جمال وإخراج وائل فرج.
