ميكا البغدادي طليقة مسلم تثير الجدل: ههد الدنيا إذا قربت لحياتي
أثارت ميكا البغدادي، طليقة مطرب المهرجانات مسلم، حالة من الجدل بعد نشرها استوري غامض عبر حسابها على "إنستجرام"، قالت فيه: "أنا بعيدة عن أي حاجة بس لما توصل أن حد يقرب لحياتي أو يجرني لمشاكل ههد الدنيا".
وجاء هذا التصريح بعد الأزمة التي اشتعلت بين مسلم والبلوجر أروى قاسم، التي تصاعدت بعدما تحدثت زوجة مسلم، يارا تامر، عن حادثة وقعت في حفل زفافها على مسلم، الأمر الذي دفع الفنان مسلم للخروج عن صمته والدفاع عن زوجته.
وفي بث مباشر عبر حسابه الرسمي على "إنستجرام"، أكد مسلم: "يارا عارفة أنا طيب إزاي.. وغصب عني لما يكون حواليا ناس مش بعرف أظبط كلامي أو أتعامل.. أنا كنت بحترم أروى وبعتبرها أختي الصغيرة.. واستقبلتها أحلى استقبال ومن كتر اللمة اللي حواليا بوست إيدها شياكة مني علشان أقدر أهرب منها.. ومش هاجي يوم فرحي أعاكس واحدة أو أقرب لواحدة لأن دي مش تصرفات واحد عاقل".
وتابع مسلم: "أنا بتعامل بنيتي الصافية.. واتفاجئت باللي يارا عملته وبسببها أنا ويارا شدينا مشادة جامدة وعرفنا نلم الدنيا لأن ربنا مدينا العقل في علاقتنا.. وأنتي يا أروى لو بتحبيني وتحترميني عمرك ما هتنزلي حاجة زي كده رغم أني قلت لها احذفي.. ولما بعت ليها اعتذر كان فيه كلام قبلها.. ولأني كنت بحاول ألم الدنيا لكنها اختارت كلام معين تنزله".
تعليق مسلم على الأزمة
وأضاف: "مراتي أنضف بني آدمة في العالم وبعدتني عن حاجات غلط.. ونضفت حاجات كتير ومكانش حد بيقولي الصح من الغلط.. هي مش بتاخد حاجة ولا اتجوزت دي أول فرحة ليها.. ولما تطلعي كلام على حد بلاش تخوضي في أعراض.. أنتي كده غلطي نفسك ده لو كان ليكي حق.. ومكانش نفسي نتحط في الحتة دي.. ومكنتش متخيل كل ده يحصل.. وأنا بقالي أربع أيام مش بنام علشان الدنيا تتم و70 ألف رقم بيكلمني.. لو عريس عادي بيتوتر.. وأنا حوالين مني صحافة وناس غصب عني هرتبك.. مش عاوز الموضوع ياخد حجم كبير.. وإحنا عملنا فرحنا وحضر كل الناس اللي بحبهم وده يكفينا.. مراتي دي أغلى حاجة عندي ومش ممكن أفضل حد تاني عليها.. وأنا إنسان كويس ومفيش أطيب مني ولا في جدعتني.. وصاصا كان شاتمني واتأسفت له في فرحي علشان أنا جوايا نضيف.. ومافيش حد كان زعلان مني وما صالحتوش.. بلاش تظلموا حد.. لأن الناس بقيت وحشة."
تأتي هذه التطورات وسط تفاعل واسع من الجمهور ورواد مواقع التواصل، الذين تداولوا الحادثة وأبدوا آرائهم المختلفة حول الأزمة العائلية التي جمعت بين هذه الشخصيات الفنية.
