هالة صدقي لـ عمر زهران: "افرح ياعم بمحبة كل البشر دي"
دعمت الفنانة هالة صدقي صديقها الفنان عمر زهران بعد أزمته الأخيرة، وذلك عن طريق منشورًا عبر حسابها الرسمي على موقع تبادل الصور والفيديوهات إنستجرام، وعلقت قائلة: “سعيدة جدًا بفرحة الناس والأصحاب الحقيقين اللي ممكن مش بتشوفهم كل يوم وتكتشفهم في أزمتك .. وبالرغم من أنه كان عندي صدمة من اقرب الاصدقاء لعمر ومنهم الوزيرة أم كرش .. اللي كان عمر كان بيصعب عليه ولادها .. ويأخذهم يخرجهم ويأخذهم يحلقوا لأن عيب ست تروح للحلاق .. بس قد ايه كان انسان في سماع كل مشاكلها .. وفي الاخر علشان ترضي طابوزاد بقت ما تردش عليه .. مع أنها هي والأخت جورجيا اول ناس يعرفوا كل حاجة قبل عمر ومثلوا الاتنين”.
هالة صدقي تدعم عمر زهران
واستكملت هالة صدقي منشورها قائلة: “وأقسم بالله انهم اول ناس عرفوا ومثلوا أنهم ما يعرفوش اي قصص خليهم يحلفوا على مصحف لو عارفين قيمة القسم .. وفي المقابل ناس مش اصحاب عمر خالص وقفوا ودافعوا وفرحوا من قلبهم من غير ما يدفع لهم حاجه من شوال طابوزاد ولا الارزوجيه .. اللي بيلموا فتافيت طابوازادا علشان يرضوها .. والصدمة أن الواحد كان فاكر أنهم محترمين يقبضوا حتي علشان يردولها علي كومنت .. مش عارفين قد ايه بيهينوا نفسهم .. اصحاب عمر الحقيقين بيرضوا ربهم مش طابوزاد .. افرح ياعم بمحبه كل البشر دي المحبه من عند ربنا ومحبه البشر ده .. واحتفالاتهم تنسيك اللي أتعمل فيك وتأكد رد اعتبارك من ربك .. وربنا هيعوض كل دقيقه نمتها في السجن بسبب ناس بيطلق عليهم بشر كانوا بيعرفوا يناموا .. الاحساس نعمة .. الصورة اتقصت للابد”.
هالة صدقي تهنئ عمر زهران
وكانت هالة صدقي قامت من قبل بتهنئة عمر زهران بعد الإفراج عنه، حيث نشرت منشورًا عبر حسابها على موقع تبادل الصور والفيديوهات إنستجرام، حيث قالت: "مبروك لصديقي وعزيزى عمر زهران ألف حمد لله علي السلامة .. النهارده أول يوم هعرف أنام .. افتح شبابيك للفرحة لكل اللي بيحبوك وكل اللي زعلوا علشانك ولكل اللي واثقين من أخلاقك ونزاهتك .. كلنا حواليك وأنت انتصرت بحب الناس وعدم تصديقهم أى تفاهات لتشويه سمعتك .. وفرصة انك تعرف مين الصديق ومين الحقير ومين الوفي ومين الحقيقي ومين اللي بيدعي .. وصدقني حقك لسه هيرجع ، اتمني الدنيا كلها تقولك مبروك الف حمد للّه علي السلامة".
