منير مكرم يتصدر تريند محركات البحث بعد واقعة الـ 2 مليون جنيه
تصدر الفنان منير مكرم تريند محركات البحث في الساعات الأخيرة، وذلك بعد واقعة الـ 2 مليون جنيه التي تحدث عنهما من قبل، حيث خرج عبر حسابه الرسمي على موقع التواصل الاجتماعي فيسبوك.
وأوضح أنه عثر على مبلغ مالي يقترب من 2 مليون جنيه، ولكنه لم يفصح عن أي تفاصيل أخرى حول مكان وطريقة العثور عليها، وطلب من صاحبهما التواصل معه لمطابقة المواصفات.
منير مكرم يكشف عن تفاصيل الواقعة
وقد تواصل موقع نيوز رووم مع الفنان منير مكرم ليعرف منه تفاصيل أكثر، وأوضح: “أعلنت عثوري على المبلغ .. ورفضت أذكر اسم المكان اللي لقيتهم فيه .. وواحد اتصل بيا قال لي أنا صاحب المبلغ وتأكدت من الشيكات وكل المعلومات اللي قالها لي مظبوطة .. الراجل مكانش مصدق أن الفلوس هترجع له .. وقال لي سكري ارتفع وكنت هدخل المستشفى .. وقال لي هتاخد كام وأصر ولكني رفضت رغم أني محتاج فلوس .. وقلت له اتبرع بيهم وقال لي هتبرع وهدبح دبيحة .. وأنا واثق أن ربنا هيعوضني .. جالي اتصالات كتير قبل ما أوصل لصاحب الشنطة الحقيقي .. لقيت واحد بيكلمني ويقول لي أنا كنت على كوبري قصر النيل وطلع عليا حرامية ونطيت في النيل وسبت شنطة فيها اتنين مليون و400 ألف .. وواحد تاني قال لي أنا كنت في الهرم وكان معايا خطيبتي وطلعوا عليا حرامية فنسيت الشنطة وهربت .. لما أعلنت عن عثوري على مبلغ 2 مليون جنيه ما خفتش من السرقة .. لأن الدنيا أمان .. وبعدين 2 مليون دلوقتي مالهمش لازمة .. أنا لو قابلت حد دلوقتي بقوله معاك فكة مليون جنيه .. ده إحنا بنفطر بنص مليون دلوقتي”.
مسلسل حكيم باشا
ويُذكر أن آخر أعمال الفنان منير مكرم كانت مشاركته في مسلسل حكيم باشا الذي عُرض في موسم رمضان الماضي، وكان العمل من بطولة مصطفى شعبان ، سهر الصايغ، دينا فؤاد، رياض الخولي، سلوى خطاب، منذر رياحنة، سارة نور، محمد نجاتي، ميدو عادل، سلوى عثمان، أحمد فؤاد سليم، أحمد صيام، فتوح أحمد، محمد العمروسي، هاجر الشرنوبي، يارا قاسم، هايدي رفعت، أحمد فهيم، أحمد صادق، منير مكرم، أحمد بسيم، شيماء عباس، حمدي هيكل، ماجدة منير، رضا إدريس، مجدى السباعي، سيد التيتي، حمدي إسماعيل، محمود الشرقاوي، وعدد من ضيوف الشرف وعلى رأسهم الفنان القدير أشرف زكي، إنجي سلامة، والمسلسل قصة وسيناريو وحوار محمد الشواف، ومن إخراج أحمد خالد أمين.
