محتاج فلوس ورفضت المكافأة.. منير مكرم يكشف تفاصيل إعادته 2 مليون جنيه لصاحبها

كشف الفنان منير مكرم، عضو مجلس إدارة نقابة المهن التمثيلية، تفاصيل عثوره على مبلغ 2 مليون جنيه وتسليمها لصالحبها، مؤكدًا رفضه الحصول على مكافأة مالية رغم احتياجه.

وقال منير مكرم في تصريحات لـ نيوز رووم: “أعلنت عثوري على المبلغ ورفضت أذكر اسم المكان اللي لقيتهم فيه، وواحد اتصل بيا قال لي أنا صاحب المبلغ واتاكدت من الشيكات وكل المعلومات اللي قالها لي مظبوطة".

 واثق أن ربنا هيعوضني

وأضاف منير مكرم: “الراجل مكانش مصدق أن الفلوس هترجع له، وقال لي سكري ارتفع وكنت هدخل المستشفى، وقال لي هتاخد كام وأصر ولكني رفضت رغم أني محتاج فلوس، وقلت له اتبرع بيهم وقال لي هتبرع وهدبح دبيحة.. وأنا واثق أن ربنا هيعوضني”.

وأشار منير مكرم إلى اتصالات طريفة من مدّعين بعد إعلان عثوره على المبلغ، حيث قال:"جالي اتصالات كتير قبل ما أوصل لصاحب الشنطة الحقيقي.. لقيت واحد بيكلمني ويقول لي أنا كنت على كوبري قصر النيل وطلع عليا حرامية ونطيت في النيل وسبت شنطة فيها اتنين مليون و400 ألف.. وواحد تاني قال لي أنا كنت في الهرم وكان معايا خطيبتي وطلعوا عليا حرامية فنسيت الشنطة وهربت".
 

وعن تخوفه من الإعلان عن عثوره على هذا المبلغ، أكد أنه لم يخش تعرضه للسرقة، حيث قال: “لما أعلنت عن عثوري على مبلغ 2 مليون جنيه ما خفتش.. لأن الدنيا أمان.. وبعدين 2 مليون دلوقتي مالهمش لازمة.. أنا لو قابلت حد دلوقتي بقوله معاك فكة مليون جنيه.. ده إحنا بنفطر بنص مليون دلوقتي”.

آخر أعمال منير مكرم 

يُشار إلى أن منير مكرم شارك مؤخرًا في مسلسل حكيم باشا الذي عرض في الموسم الرمضاني الماضي 2025، بطولة الفنان مصطفى شعبان، وضم العمل سهر الصايغ، رياض الخولي، دينا فؤاد، أحمد صيام، محمد نجاتي، منذر ريحانة، محمود الشرقاوي، سلوى خطاب، عايدة فهمي، سارة نور، محمد عادل، أحمد فؤاد سليم، وغيرهم من الفنانين.