400 ألف رأس.. الرئيس السيسي يقترح حلا لزيادة إنتاج الثروة الحيوانية
علق الرئيس عبد الفتاح السيسي على مشروعات الثروة الحيوانية والسمكية التي عرضها بهاء محمد الغنام مدير جهاز مستقبل مصر للتنمية المستدامة.
وقال الرئيس عبد الفتاح السيسي ، «لما يكون فيه ظروف اقتصادية صعبة لباد وعايزه تتجاوز المشكلة بتدخل في تفاصيل وتعمل خطط قد يراها البعض صعبة».
رأس الماشية المصرية
وأضاف الرئيس السيسي ، «فيه رأس ماشية تاكل وتشرب زي رأس الماشية المصرية التي لم يتم تحسنها، دي تطلع كيلو لحم في اليوم، ودي تطلع 1.5 أو 1.8 كيلو لحم في اليوم بنفس الاكل».
الثروة الحيوانية في مصر
واستكمل ، «إذا لو احنا عندنا في مصر ثروة حيوانية ونقعد مش قادرين نغير الواقع بتاعها ونقول إن إحنا حجم ما لدينا من ثروة حيوانية في الماشية مش قادرين بعد ما اتكلمنا في النقطة دي، سواء لإنتاج اللبن أو إنتاج اللحوم بعد 5 سنين ما قدرناش نحل المسألة دي، لازم يكون 200 ، 300، 400 ألف رأس».
وأكد ، «علشان نقول للناس ناخد الأبقار اللي موجودة عندنا اللي نموها كيلو ونعمل إحلال، يبقى المواطن المصري والمزارع اللي عنده رأسين أو ثلاثة بعد ما كان عنده بنفس الأكل والخدمة يطلع في الشهر للرأس الواحدة زيادة 30 كيلو، هيطلع في نفس الوقت للرأس الواحدة 45 كيلو».
منتجات الصناعة
وأوضح ، «زي ما بقول بدل ما بيطلع 7 أو 8 كيلو لبن للرأس الواحدة في اليوم، بيطلع 30 و 40 كيلو للرأس الواحدة، يبقى لو عندي مليون رأس، بدل ما يطلعوا 8 مليون كيلو لبن في اليوم، هيطلعو 40 مليون كيلو، دا هيدخل الإنتاج وبتعمل منهم منتجات الصناعة».
جهاز مستقبل مصر للتنمية المستدامة
وخلال الاحتفال؛ أكد بهاء محمد الغنام مدير جهاز مستقبل مصر للتنمية المستدامة على أن الجهاز بعمل على إدخال التكنولوجيا كأحد عناصر ومكونات العملية الزراعية، وذلك في ضوء مستهدفات الدولة المصرية لتحقيق الأمن الغذائي.
وقال مدير جهاز مستقبل مصر للتنمية المستدامة خلال استعراض عددا من المحاور التي عمل عليها الجهاز خلال الفترة الماضية؛ إنه على غرار الرقم القومي للعقار، يعمل الجهاز على عمل رقم قومي زراعي.
وأشار بهاء محمد الغنام إلى أن ذلك يهدف إلى حصر كافة الأراضي الزراعية وربطها بالبورصة السلعية.
