«قولولي مبروك» .. مصطفي كامل يطرح أغنيته الجديدة على «يوتيوب»
طرح نقيب المهن الموسيقية، الفنان مصطفي كامل، أحدث أعماله الغنائية بعنوان "قولولي مبروك" منذ قليل، عبر القناة الرسمية له على موقع "يوتيوب".
وجاءت كلمات الأغنية كالتالي:
محدش ييجي يعزيني ولا حد يفكر يواسيني ولا حد يقولي متزعلش
خاين خرجته من حياتي قفلت وصفيت حساباتي
عملت اللي أنا من كام سنة كان لازم أعمله بس متعملش
قولولي مبروك عملت الصح أنا وسيبته
قولولي مبروك ومش هتهزني غيبته
قولولي مبروك هعالج قلبي من طيبته
علشان طيبة قلبي كتير كانت سبب خيبته
قولولي مبروك إني روقت وفوقت من خاين الأمانة
اللي ياما ظلمنا واللي ياما جرحنا وآذانا
احنا كنا ملوك وكان مملوك بيحلم يتصور معانا
قولولي مبروك إني روقت وفوقت من خاين الأمانة
اللي ياما ظلمنا واللي ياما جرحنا وآذانا
والله ولا ندمان ولا زعلان يلا خلصت وكفايانا
قولولي مبروك فارقته واشتريت نفسي
قولولي مبروك عرفت خلاص قيمة نفسي
قولولي مبروك أنا اتحررت من يأسي
هادوقه الجرح والقساوة مرة من نفسي
هجوم حاد
وكان الفنان مصطفي كامل ، نقيب المهن الموسيقية، شن هجومًا حادًا على من وصفهم بعديمي الكفاءة في إدارة المؤسسات، مطالبًا برحيل كل من يعجز عن تحقيق تطلعات العاملين أو تحسين أوضاعهم.
وقال مصطفي كامل في تصريحات نارية خلال لقائه بموقع «نيوز رووم» : "عندي حلم لحد ما أموت، وهفضل وراه، واللي يكرهني يكرهني، واللي عايز يقتلني يقتلني، واللي عايز يحاربني يحاربني.. هفضل أحارب لحد ما أجيب حقوق الناس وحقّي".
وانتقد مصطفي كامل رؤساء وأعضاء مجالس المؤسسات الذين يطلقون وعودًا دون تنفيذها، متسائلًا: "ليه أشوف حد في الشارع مكسر الدنيا ومش لاقي ياكل بسبب إن اللي بيديره مش منضبط؟"، مؤكدًا أن إدارة أجور الناس ليست لعبة.
وتابع قائلاً: "إحنا اتخصملنا 25% وبعدين 5%، والنهاردة بيتقال لسه بنحاول نحل مع الخارج ونحل أزمة الضرائب.. طب فين كنتوا؟"
أزمة المؤلفين والملحنين
وجاء هذا اللقاء عقب اجتماع حل أزمة جمعية المؤلفين والملحنين والناشرين برئاسة نقيب المهن الموسيقية مصطفى كامل، والذي أقيم فى مقر نقابة المهن الموسيقية بوسط البلد بحضور عدد من الشعراء والملحنين، أبرزهم الشاعر تامر حسين والشاعر شريف تاج الدين والشاعر محمود عليم وغيرهم .
