إنچي علاء تكشف عن موقفين لها مع بوسي شلبي وتوجه نصيحة للبنات

نشرت المؤلفة إنچي علاء منشوراً عبر صفحتها الشخصية بموقع التواصل الاجتماعي “ فيس بوك ” توضح فيه عن تعرضها لموقفين مع الإعلامية بوسي شلبي إحداهما كان متواجد فيه الفنان القدير الراحل محمود عبدالعزيز . 

الموقف الأول

وقالت إنچي علاء : أنا ماعرفش أستاذة بوسي شلبي عن قرب بس هحكي موقفين ماعرفش مهمين ولا لأ بس عشان ضميري وعشان متأثرة من اللي بيتقال وبيحصل..وأنا في بيت أهلي في الساحل في هاسيندا باي بابايا جه قالنا تعالوا سلموا على النجم محمود عبد العزيز كان أظن بيتفرج على البيوت هناك 

وأضافت إنچي علاء : ولما طلعنا نسلم كان في العربية ومعاه أستاذة بوسي وعرفناها كزوجة له وبعدها أنا قابلت أستاذة بوسي في القرية كذا مرة وكانت في منتهى الذوق وشفت الحزن اللي هي كانت فيه بعد وفاته..

الموقف التاني 

قالت إنچي علاء : قبلها واحنا مانعرفش بعض خالص غير سلامات.. كنت بتكرم في مهرجان وكانت أول جايزة ليا عن التأليف وكانت أستاذة بوسي هي اللي بتقدم الجايزة.. وأنا علي المسرح الكعب دخل في تل الفستان من تحت ومابقتش عارفة أتحرك أوصل للجايزة وكنت هقع لو اتحركت وطبعا كانت هتبقى لقطة وتريقة.. وقفت مكاني لثواني متوترة جدا والناس مش فاهمة انا واقفة ليه 

وأضافت إنچي علاء : لقيت أستاذة بوسي بتتحرك من مكانها وبتاخد بإيدي عشان استلم الجايزة وعدى الموقف.. واحدة غيرها كان ممكن تسيبني أقع.. يعني ست طيبة وأنا شفت أشرار كتير في حياتي هي مكنتش منهم..
وبعد كده شفتها كتير في مهرجانات وهي بتشتغل.. ست مجتهدة الله يكون في عونها ويصلحلها الحال . 

درس لكل بنت 

وقالت إنچي علاء في منشور أخر أيضاً : قصة أستاذة بوسي شلبي دي درس لكل بنت.. اوعي تتجوزي من غير أوراق رسمية موثقة مش عشان الفلوس.. اللي ديته فلوس رخيص.. انما عشان مايجيش يوم ويتقال انك مكنتيش زوجة بجد للشخص.. لا حول ولا قوة الا بالله فعلا زمن صعب مليان قسوة مش طبيعية

بوسي شلبي تؤكد زواجها من محمود عبدالعزيز

وتنفي بوسي شلبي بذلك، ادعاءات أسرة الراحل محمود عبدالعزيز، بأنها انفصلت عنه في عام 1998، حسبما أكدت الأسرة في بيان صحفي منذ ساعات قليلة، الأمر الذي أثار جدلًا واسعًا.

وكان قد أكد المحامي أحمد طنطاوي، محامي أسرة الفنان محمود عبدالعزيز، طلاق الراحل من بوسي شلبي رسميًا مستندًا إلى وثيقة طلاق تعود لعام 1998 أي بعد شهر ونصف من الزواج.