بعد أزمتها مع طليقها.. رنا سماحة تنتهي من تصوير أحدث كليباتها "الهونولولو"

انتهت الفنانة رنا سماحة مؤخرًا من تصوير أحدث كليباتها الغنائية بعنوان " الهونولولو"، والذي يعد خطوة جديدة في مشوارها الفني، الأغنية من كلمات إسلام الجريني، وألحان محمد مصطفى، وتوزيع مصطفى غانم ومن إخراج فادي الحداد وإنتاج فهد الزاهد .
وتم تصويرها في لبنان تحت إدارة المخرج اللبناني فادي حداد، ومن المقرر طرح الكليب خلال الأيام القليلة المقبلة عبر جميع منصات السوشيال ميديا.

 آخر أعمال رنا سماحة

يذكر أن آخر أعمال رنا سماحة أغنية طرحت فى شهر رمضان المنقضي بعنوان "البركة" وجاءت على طريقة الفيديو كليب، وذلك عبر منصة الفيديوهات "يوتيوب"، والأغنية من كلمات الشاعر محمد نبيل، وألحان كريم نيازي، وتوزيع الموسيقى حمادة عصمت.

وأغنية أخرى بعنوان "عاملة عبيطة" عبر قناتها الرسمية بموقع الفيديوهات يوتيوب وجميع المنصات الموسيقية، من ألحان سامر أبوطالب، كلمات أحمد حسن راؤول، توزيع خليل وشندي، إخراج حسام مجدي.

كلمات أغنية "عاملة عبيطة  "

قاعدة وساكتة وباصة عليكوا
كاشفة وشوشكوا وسط الزيطة
شايفة وعارفة وقارية عنيكوا
فاهمة الكل وعاملة عبيطة

نفسنة بس انا فاهمة المسكنة
شياطين راسمين الدور
مسخرة مسخرة جبتونا لورا
خلوا الطابق مستور
ولا كذا ولا كذا حريفة أذى
وقلوبكوا بيت مهجور
يا تماثيل مافيهاش شعور

اوعوا تقولوا دي سهلة ضعيفة
هنوقعها صعبة عليكوا
انتوا تمامكم ضربة خفيفة
قلبة قلبي دي هتعريكوا

نفسنة بس انا فاهمة المسكنة
شياطين راسمين الدور

مسخرة مسخرة جبتونا لورا
خلوا الطابق مستور
ولا كذا ولا كذا حريفة أذى
وقلوبكوا بيت مهجور
يا تماثيل مافيهاش شعور

تصريحات رنا سماحة

وعلى جانب آخر، سبق وكشفت رنا سماحة، أسباب انفصالها عن زوجها الملحن سامر أبو طالب لأول مرة، بعد زواج استمر 5 سنوات، ورفعها قضية خلع مؤخرًا.

وقالت رنا سماحة خلال تصريحات تليفزيونية: “انفصلنا لما كنت حامل ورجعنا حطينا شروط علشان مكناش حاطين لحياتنا شروط قبل كده، كل واحد فينا مختلف وكان عايش بطريقة مختلفة ومش عايز الطرف التاني يأثر أو يسيطر عليه أو يغير فيه حاجة لما حطينا الشروط عشان نكمل ده محصلش”.

وتابعت: “مش شروط على قد ما هي أساسيات، زي الخصوصية بتاعت البيت لازم تكون بين الزوج والزوجة مش بس فكرة جوازي، لكن أحس أني ست وعايزة الطرف التاني يكون سندي وضهري، كنت حاسه إني لوحدي وبشيل مسئولية نفسي، أحيانا كان بيساعدني، أنا وسامر اتجوزنا بسرعة رهيبة مكنش في بينا قصة حب كبيرة، مهما كان صاحبي، قفلة البيت حاجة تاني على الشخصين”.

رنا سماحة تثير الجدل 

وقالت رنا: “مرة واحد اتخلع وتبرأ من كل حقوق أم ابنه، راح للقاضي طلب فلوس الخروجات اللي كانوا بيخرجوا فيها مع بعض، والأكل اللي أكله ليها”.

وأضافت رنا، “لما أخد في وشه، راح رافع قضية بيطالب فيها بالهدايا اللي جابها لها وفلوس الخروجات برضه، آه والله زي ما بقولك كده.. أهم حاجة بوستات التدين المفرط، الحمد لله على نعمة الشبع”.