بسبب طليقها..رنا سماحة تعلق علي رفض الفنانين الشباب التعامل معها

نشرت الفنانة رنا سماحة عبر صفحتها الشخصية بموقع التواصل الاجتماعي “ فيس بوك ” منشورا تكشف فيه عن رفض بعض الفنانين الشباب من التعامل معها بسبب أنهم أصدقاء طليقها .

وقالت رنا سماحة : الموضة الجديدة بقى مجموعه من الفنانين المبدعين الشباب قرروا يعملولي مقاطعه ظاهريه وميشتغلوش معايا عشان هم اصحاب الx 
على اساس اني هقعد في البيت ومش هلاقي حد اشتغل معاه بقى .

وأضافت رنا سماحة : طيب يا ريت لو انت منهم وبتقرا البوست تشيل نفسك من عندي ومتبعتليش برايفت بقى .. طالما راجل وصاحبك وبتاع ومتتعاملش معايا انسانياً خالص واعتقد ده أولى .. مش كده ولا ايه؟؟
واختتمت : اصل ده لما بيحصل في الشغل بلاش اقولك بنقول عليكوا ايه .

ماليش في الحروب المستخبيه دي خالص انا ارجل من كده بكتير 

رنا سماحة تثير الجدل 

وقالت رنا: “مرة واحد اتخلع وتبرأ من كل حقوق أم ابنه، راح للقاضي طلب فلوس الخروجات اللي كانوا بيخرجوا فيها مع بعض، والأكل اللي أكله ليها”.

وأضافت رنا، “لما أخد في وشه، راح رافع قضية بيطالب فيها بالهدايا اللي جابها لها وفلوس الخروجات برضه، آه والله زي ما بقولك كده.. أهم حاجة بوستات التدين المفرط، الحمد لله على نعمة الشبع”.

تصريحات رنا سماحة

وعلى جانب آخر، سبق وكشفت رنا سماحة، أسباب انفصالها عن زوجها الملحن سامر أبو طالب لأول مرة، بعد زواج استمر 5 سنوات، ورفعها قضية خلع مؤخرًا.

وقالت رنا سماحة خلال تصريحات تليفزيونية: “انفصلنا لما كنت حامل ورجعنا حطينا شروط علشان مكناش حاطين لحياتنا شروط قبل كده، كل واحد فينا مختلف وكان عايش بطريقة مختلفة ومش عايز الطرف التاني يأثر أو يسيطر عليه أو يغير فيه حاجة لما حطينا الشروط عشان نكمل ده محصلش”.

وتابعت: “مش شروط على قد ما هي أساسيات، زي الخصوصية بتاعت البيت لازم تكون بين الزوج والزوجة مش بس فكرة جوازي، لكن أحس أني ست وعايزة الطرف التاني يكون سندي وضهري، كنت حاسه إني لوحدي وبشيل مسئولية نفسي، أحيانا كان بيساعدني، أنا وسامر اتجوزنا بسرعة رهيبة مكنش في بينا قصة حب كبيرة، مهما كان صاحبي، قفلة البيت حاجة تاني على الشخصين”.