إبراهيم سعيد يهاجم صلاح: مفيش لاعب أكبر من منتخب مصر
شن إبراهيم سعيد نجم الكرة المصرية السابق، هجوما عنيفا على لاعبي منتخب مصر والمدرب علي ماهر، بعد خسارة الفراعنة نقطتين ثمينتين في سباق التصفيات المؤهلة لنهائيات كأس الأمم الأفريقية 2027.
وكتب إبراهيم سعيد من خلال حسابه الرسمي على X:" بصراحة أداء المنتخب كان سيئا.. وعلي ماهر لا يستطيع فرض شخصيته على اللاعبين.. صلاح نجم كبير ولكنها ليست حصانة له إذا لم يكن موفقا فلماذا لا يتم تبديله؟ مفيش لاعب أكبر من المنتخب".
وواصل نجم منتخب مصر السابق انتقاده:" محمد صلاح ومرموش الاتنين قدموا أداء أقل بكتير من المنتظر، ومفيش لاعب مهما كان اسمه أو تاريخه أكبر من التغيير. صلاح نجم كبير، لكن النجومية مش حصانة من التقييم، مروان عطية ومحمد هاني: من أسوأ العناصر في المباراة من وجهة نظري، والأداء كان بعيد عن المستوى اللي المفروض نشوفه من لاعبين في منتخب مصر".
وأختتم إبراهيم سعيد نجم الأهلي والزمالك السابق حديثه قائلا:"هيثم حسن لاعب عنده إمكانيات واضحة، ومش منطقي يفضل على دكة البدلاء. يستحق فرصة أساسية، لأن اللاعب اللي عنده إضافة لازم يكون موجود في الملعب، ومحمد صلاح لو مش موفق يتغير عادي جدًا.. زي ما مرموش بيتغير عادي جدًا. مفيش لاعب فوق النقد ، ومفيش اسم فوق المنتخب، النجم الحقيقي هو اللي يثبت نجوميته بأدائه وشخصيته والروح جوه الملعب، مش بتاريخه ولا باسمه فقط، أنا مش بجامل حد، ومش بخاف أقول رأيي مهما كان اسم اللاعب أو المسؤول، دي شخصيتي من زمان، ودي قناعتي من أيام ما كنت أتشرف بتمثيل منتخب مصر".