هاني رمزي : التمثيل مهنة هتنقرض كمان 5 سنين بسبب الـ AI
أكد الفنان هاني رمزي أن مهنة التمثيل لن تعد موجودة خلال السنوات المقبلة، ومهددة بالانقراض بسبب استخدام الـ AI، مشيرًا إلى أن التمثيل بالـ AI بات منتشرًا ويقدم أداء قوي مثل الممثل الطبيعي.
وقال هاني رمزي في تصريحات تلفزيونية : "كمان 5 أو 6 سنين مش هيبقى فيه تمثيل والـ AI هو اللي هيمثل، وقرأت إن أمريكا عملت 3 أفلام من غير ممثل، والمهنة دي هتنقرض، وحتى المذيع هينقرض".
وتابع هاني : "الممثل العالمي آدم ساندلر باع بصمة وشه وعينه وصوته لنتفليكس علشان يتعمل بيها أفلام، ويبقى الموضوع خطر لو وافقت على بيع صوتي وبصمة وشي من غير ضمانات، لأني لو مت أو مضيت وعملوا به فيلم مشين مش هيبقى عندي حق الاعتراض، بس شكلنا كلنا هنبيع".
ومن ناحية أخرى، كان قد أثار هاني رمزي جدلًا واسعًا أثناء تكريمه في مهرجان الأفلام القصيرة جدًا بجامعة السويس، خلال الشهر الماضي.
وقال هاني رمزي في كلمته : "كريمي في الجامعة هنا عن مجمل أعمالي، بس أنا حاسس إني لسه معملتش حاجة، بعد البوس في حاجات تاني بتتعمل يا بلد الفسفور، كلنا اتهرينا بوس، أنتم منورين الدنيا وأنا مبسوط بيكم ومتشكر على التكريم”.
