بعد حفلها بأمريكا .. أصالة تعلن سرقة علبة مجوهراتها والشرطة الأمريكية تتدخل
أعلنت المطربة أصالة نصري عن تعرضها لسرقة علبة المجوهرات الخاصة بها ، وذلك بعد حفلها في الولايات المتحدة الأمريكية، مشيرة إلى أنها تعرضت للسرقة منذ ما يقرب من أسبوع ولا يوجد أي تطور بعد تدخل الشرطة .
أصالة تتعرض لسرقة مجوهراتها
وكتبت أصالة عبر حسابها الرسمي على موقع التواصل الاجتماعي انستجرام : الحمد لله الهدف من الرحلة لأمريكا تحقق وعملت أحلى حفلات بالحياة وأسعدت ناس بالآلاف وأنا كنت سعيدة قدهم كلهم وكانت البدايه بلوس أنجلوس وليلة عظيمه وبعدا رحت نيوجرسي وكمان التفاعل كان مثل الحلم وآخر حفله كانت تاني يوم مباشرة بديترويت ويادوب وصلت الفندق وحضرت حالي وغيرت مجوهراتي اللي الحمد الله كلهم إلي وماكان معي شي أنا مابملكه وهيك عادة بالسفر بعمل بخاف من المسؤولية فا بلبس أغراضي ورحت الحفلة وكانت قمة بالجمال والحضور مرعب والجو خيالي والناس طارت وأنا كذلك.
وأضافت : خلصت الحفلة ورجعت تعبانة حضرت حالي للراحة ونمت والصبح فتحت شنطتي غير حلقي اللي بحب غيره كل يوم حسب شو حاسه وللأسف مالقيت علبة مجوهراتي كلها وطبعاً زعلت لأسباب كتيره أولها وأهمها إني عملت بأوقات طويلة و انتظرت أكتر من سنه إسم أبي حطه على راسي وصورة آبي بصدري وذكريات مهمه من جوزي ومن ولادي وهدايا مني إليّ بمناسبات نجاح حفله أو ألبوم أو أغنيه وكمان هدايا من أصحاب غاليين عليي وأغراضي غير قيمتها الماديه إلها قيمه عندي معنويه كبيره .
وتابعت : وطبعاً الشرطه والناس ملت المكان ومن أسبوع تقريباً لليوم مافي أخبار وماكنت بدي خبر خبر يأثر على هالرحله اللي حققت فيها حلم من أحلامي وفاقت توقعاتي حتى بالنجاح ولكن هيك صار وبعد تفكير قررت خبركم هالحكايه اللي فوق ماتتصوروا قاهرتني ولكن رح أتجنبها وكمل بطريقي ورح ألتقي بحبايي بدبي بمناسبه عزيزه على قلبي وغاليه تحت عنوان ( الإمارات تحب سوريا ) والله يحفظ بلادنا كلها ويعم الحب ويعم السلام يارب العالمين .
واختتمت : وبدي أنسى هالكم يوم اللي كانوا كتير مو حلوين وصعبين عليي كتير ورح نتلاقى وأنا بأمس الحاجه لأفصل عن هالأحداث اللي صارت وبدي أكتر من كل الحضور أفرح لأني بحاجه أفرح بينكم ومعكم ومحبتكم عندي والله بتسوى كنوز الدني كلها، ولحظة لقائي معكم هي ولاده حقيقيه لسعاده بتتحقق لما بغني لكم ودبي رح تجمعنا .
