منة عدلي القيعي: "بتمني الناس تسترد انسانيتها، المجاملة تيجي قبل الصراحة"
حرصت الشاعرة منة عدلي القيعي على توجيه رسالة خاصة للجمهور عن التعامل بإنسانية، وذلك من خلال منشور عبر حسابها الرسمي على موقع التواصل الإجتماعي فيسبوك.
رسالة منة عدلي القيعي للجمهور
وعلقت منة عدلي القيعي قائلة: "بتمني الناس تسترد انسانيتها، المجاملة تيجي قبل الصراحة والكلمة الحلوة تألف الالسنة، بتمني جبر الخواطر يكون علي بال الناس في يومها العادي، بتمني التعاطف يكون فطرة في القلوب… بتمني الكلمة الجارحة والتصرف الوقح تبقي فعل تقيل اوي علي صاحبها، بتمني القساوة تخف شوية، شوية كتير، حاسة اني مجهدة نفسي اعيش زمن طيب".
منة عدلي القيعي: "لو حد عايز نقد فني بناء صادم جارح مايسألنيش"
في سياق آخر، قد أثارت الشاعرة منة عدلي القيعي الجدل بعد أن أعربت عن عدم قدرتها على جرح شخص ونقده نقد لاذع وأنها ترى أن كل الأعمال المقدمة في موسم رمضان أعمالة خفيفة وجميلة، وذلك في منشورها عبر حسابها الرسمي عبر موقع التواصل الإجتماعي فيسبوك.
منة عدلي القيعي تثير الجدل
وقالت منة عدلي القيعي: “أي حد هيسألني عن أي حاجة عملها هقول حلوة وتحفة وهبقي شايفة فعلا فيها حاجة حلوة وتحفة والناس كلها حلوة وتحفة والأعمال كلها حلوة وتحفة وأنا مش مهتمة غير أني اقول لكل الناس انتوا حلوين وتحفة وبناء عليه ماحدش يقولي غير انتي حلوة وتحفة ونقفل علي كدا عشان نروح كلنا مبسوطين وسالكين وحلوين وتحفة، ولو حد عايز آراء بناءة ونقد فني بناء صادم خادش جارح قارح مايسألنيش، عشان انا دايما هقول حلو وتحفة وراضية ومرضية وكله جميل ان شاء الله، مبروك لكل اللي عمل حاجة واللي ماعملش والله فرحانالنا من كل قلبي”.
