منة عدلي القيعي توجه رسالة للشخصيات العامة: "الناس مش مهتمة"

نشرت الشاعرة والمؤلفة المصرية منة عدلي القيعي منشورًا عبر حسابها على موقع التواصل الاجتماعي «فيسبوك»، وجهت خلاله رسالة إلى الشخصيات العامة، تحدثت فيها عن اهتمام الجمهور بتفاصيل حياتهم وردود أفعالهم على الانتقادات.

وكتبت منة عدلي القيعي: "عايزة أقول حاجة لكل الشخصيات العامة اللي في الدنيا، الناس مش مهتمة… مش مهتمة تشوفك كويس، ولا مهتمة تشوفك وحش".
وأضافت: "ما تتحزقش أوي وإنت بتدافع عن موقفك، ولا تخسر نفسك وإنت بتخرج كواليس بيتك بس عشان تقول أنا مش غلطان ولا أنا حلو".

وأوضحت أن الشخصيات العامة بالنسبة للجمهور أصبحت جزءًا من المحتوى المتداول عبر مواقع التواصل الاجتماعي، قائلة: "الناس مش مهتمة إنت رقم واحد ولا 100، الناس مش مهتمة إنت أعلى ولا أدنى أجر".

وتابعت: "رأي الناس في شغلك هي الحاجة الوحيدة اللي ليها قيمة، ده طبعًا بعد آرائنا كلنا في القضايا الإنسانية والعدل والظلم وكلمة الحق".

واختتمت منة عدلي القيعي منشورها بالتأكيد على عدم المبالغة في الاهتمام بآراء الآخرين، مشبهة وجود الأشخاص في حياة بعضهم البعض بالأزرار، قائلة: "إحنا في حياة بعض زراير، فبالراحة على نفسك عشان والله مش مهم".