يسرا: "لسه بتفرج على كرتون والمدارس بتخرج ناس مبتعرفش تكتب"
فتحت الفنانة يسرا النار على التربية والتعليم، بسبب أن أبناءنا يتخرجوا من المدارس سنويًا وهم لا يفقهوا شيئًا، وذلك خلال جلسة حوارية بعنوان "المستقبل يتحدث العربية" ضمن فعاليات مهرجان الجونة السينمائي في دورته ال9، وتديرها المخرجة زينة عبد الباقي، ويشارك في الجلسة كل من، كريم الشناوي، عبدالله النعيمي، ماجد المنصوري.
دور الكرتون في بناء الشخصية
حيث قالت يسرا: "المدارس بتخرج ناس كل سنة قد كده مبتعرفش تكتب أساميهم"، وأشادت يسرا بدور الكرتون والأنيميشن ف التأثير على الأطفال والكبار، حيث قالت: "أنا لسه بتفرج على كرتون لحد دلوقتي عشان بيحسسك أنك لسه خضرا، مع أن في بعض الكرتون المنتشر حاليًا ملوث، وعشان نعمل سلسلة كرتون محترمة ومثقفة محتاجين نبدأ من دلوقتي لأنه هيأثر على الصغيرين والكبار".
رأي يسرا في تغييرات السيناريو
وعن التغييرات التي سوف تتغير في السيناريو وبناء الشخصيات، قالت يسرا: "المصطلحات اليومية اتغيرت، بس كتغييرات في السيناريو عندنا كُتاب عظماء بس قليلين جدًا زي مريم نعوم وتامر حبيب، محتاجين ناس جامدة كتير عشان يبقى عندي اختيارات كتير، لو خايفين على ولادنا لازم نعلمهم عاداتنا وتقاليدنا، لكن الشغل على الدور أو الشخصية فده شغل الممثل مع المخرج واحنا اللي بنعمل خلفية للشخصية ".
الإفراط في استخدام تقنيات الذكاء الأصطناعي
وقد حرصت الفنانة يسرا على أن تعلق على الإفراط في استخدام تقنيات الذكاء الأصطناعي، وذلك خلال جلسة حوارية بعنوان "المستقبل يتحدث العربية" ضمن فعاليات مهرجان الجونة السينمائي في دورته ال9، وتديرها المخرجة زينة عبد الباقي، ويشارك في الجلسة كل من، كريم الشناوي، عبدالله النعيمي، ماجد المنصوري.
حيث قالت يسرا في الجلسة: "لو عايزة اخليكي تتكلمي ياباني الذكاء الاصطناعي يقدر يعمل كده ويركب على صوتك اللغة، لازم اللغة العربية تُفرض عليهم زي ما مفروض علينا الإنجليزية، هو أحنا مالناش نفس، لا طبعا لينا نفس نفرض عليهم لغتنا، اللغة العربية ثرية جدًا، بس أحنا مش عارفين قيمتها".
