كيف أثر الذكاء الاصطناعي على السيناريوهات؟.. كريم الشناوي يجيب
يشارك المخرج كريم الشناوي في جلسة حوارية بعنوان "المستقبل يتحدث العربية" ضمن فعاليات مهرجان الجونة السينمائي في دورته ال9، وتديرها المخرجة زينة عبد الباقي، ويشارك في الجلسة كل من، يسرا، عبدالله النعيمي، ماجد المنصوري.
تغييرات جديدة على السيناريوهات المطروحة
وقد كشف كريم الشناوي عن رأيه في مستقبل السيناريوهات بعد تدخلات الذكاء الأصطناعي بناءًا على خبراته الفنية، حيث قال: "بدأت اشوف تأثير الذكاء الاصطناعي على النصوص المطروحة خلال الفترة دي، ومحدش ناوي يقول أنه معتمد على الذكاء الأصطناعي وده بيأثر على دايرة الإنتاج كلها، بعد شوية الكلام ده هيتحول أنه ده العادي لو معندناش وعي ولا أخلاقيات لاستخدامه".
كريم الشناوي يكشف تحديات صناعة السينما
وقد تحدث كريم الشناوي عن التحديات اللغوية التي تواجه صناعة السينما، حيث قال: "في فترات كان التعامل مع السينما كان محتاج لغة بشكل كثيف عشان نفهم مصطلحات الصناعة، لكن أعتقد دلوقتي ممكن نستخدم الذكاء الاصطناعي هيسهلنا فهم اللغة، مش ده اللي يقلق لكن اللي يقلق هو الظروف الاقتصادية اللي تخلي مجموعة من الناس ميبقاش عندنا رفاهية ممارسة الفن، ومتخوف من اعتمادنا بشكل أكبر على الذكاء الاصطناعي ده هيخلي المنتج اللي طالع شكله عامل ازاي".
حديث أمينة خليل عن كريم الشناوي
وفي سياق آخر، قد كشفت الفنانة أمينة خليل كواليس تعاونها مع المخرج كريم الشناوي في أكثر من عمل منها مسلسل لام شمسية، الذي حقق نجاحاً كبيرًا في موسم دراما رمضان 2025.
وقالت أمينة خليل ضمن الندوة النقاشية “اختيارات الممثل .. من يصنع الأداء ؟”، خلال فعاليات الدورة التاسعة من مهرجان الجونة السينمائي : “أنا بحس إن علاقتي أنا وكريم الشناوي أو احترامي له كمخرج، هو إني لقيت فيه شخص حكاء قصص وموهوب وعنده شغف، وهو مدير وذكي”.
وواصلت : “أنا بالنسبة ليا الشخص اللي عارف هو عايز إيه، هو اللي ماسك العصاية من النص، واللي عارف إن عنده شغف كبير، بس عارف إيه اللي إنتاجيًا يعرف يتنفذ”.
وأضافت أمينة خليل : “كريم الشناوي كمان بيحترم الممثل، ومش بيتعامل معاه كأنه سلعة أو أداة”.
