مديحة حمدي لـ"نيوز رووم": أفاضل بين أكثر من سيناريو.. وما زلت في مرحلة القراءة

كشفت الفنانة مديحة حمدي عن مفاضلتها بين أكثر من عمل فني جديد، موضحة أنها لا تستطيع الإعلان عن تفاصيل أي منها في الوقت الحالي، لحين إتمام التعاقد بشكل رسمي.

وقالت مديحة حمدي في تصريح خاص لـ"نيوز رووم": "إن شاء الله في عمل جديد بإذن الله، بس مفيش حاجة أقدر أعلن عنها غير لما أمضي، دلوقتي لسه في مرحلة القراءة".

مديحة حمدي تتحدث عن التكريمات

أعربت مديحة حمدي عن سعادتها بالتكريمات التي حصلت عليها خلال مشوارها الفني، قائلة: "طبعًا الجايزة عند الفنان زي الطفل وتعلقه بالشوكولاتة أو جايزة حلوة، يعني بنفرح زي الأطفال كأنها أول مرة نتكرم".

وأضافت: "كل التكريمات حلوة، أكتر فنانة ممكن الحمد لله والشكر لله يعني أخدت جوايز، سواء في الالتزام أو الاحترام أو كأم مثالية، والحمد لله بتكرم على طول".

وتابعت: "أنا اتكرمت كتير لدرجة حتى الولاد بيقولوا كتير اللي بيحصل ده، بس أنا بحس إنه بيقربني من الناس وبعرف مكانتي شكلها إيه، وإن أنا لسه مستمرة وإن رصيدي عند الناس لسه موجود".