النائب باسم كامل: المعضلة الرئيسية في قانون الأحوال الشخصية هو الطفل

علق النائب باسم كامل الأمين العام للحزب المصرى الديمقراطى الاجتماعى، وعضو مجلس الشيوخ، ساخرا على مقترح إلغاء عقد الزواج بعد 6 أشهر من العقد، قائلا: «عقد الزواج لازم يتجدد كل سنة».

المعضلة الرئيسية في قانون الأحوال الشخصية هو الطفل

وأوضح، كامل سالم، خلال استضافته في بودكاست «الكلام على إيه» المذاع عبر منصة نيوز رووم، مع الإعلامية نهلة عامر، أن المعضلة الرئيسية في قانون الأحوال الشخصية هو الطفل.

وتابع باسم كامل: «لم الزوجة بيحصلها مشاكل مع الزوج والدها بيتدخل ولما الزوج بيتخانق مع زوجته والدته بتتخانق علشانه.. المعضلة بتكون في مصلحة الطفل والمجتمع».

وواصل: «الناس بتتجوز غلط ومش بتعرف تختار شريك الحياة وده السبب الأساسي.. وإحنا محتاجين قانون أحوال شخصية جديد مش بس مجرد تعديل إحنا محتاجين قانون جديد يفض الاشتباك».

وأكد أن لجان العمل في المجلس ستتمكن من إنتاج قانون أحوال شخصية قوي ينحاز للحق ويحل المشكلات. 

وفي سياق الحلقة، انتقد النائب باسم كامل الأمين العام للحزب المصرى الديمقراطى الاجتماعى، وعضو مجلس الشيوخ، آلية احتساب استهلاك الكهرباء للمواطنين الذين كانوا يحصلون على الكهرباء بنظام «الممارسة»، قبل تركيب العدادات الكودية، متسائلا عن أسباب محاسبتهم على أعلى شريحة استهلاك بدلا من تطبيق الشرائح وفقا لمعدلات الاستهلاك الفعلية.

وأوضح: «المواطن اللي ما عندوش كهربا في البيت، بيعملوا له حاجة اسمها ممارسة، وبيقولوا له: أنت مخالف، بس هنديك كهربا.. متابعا: الممارسة دي كانت بتخلي كل شقة تدفع مبلغا ثابتا، مثلا ألف جنيه، من غير عداد.. يعني سواء استهلك كتير أو استهلك قليل، بيدفع نفس المبلغ».

وأضاف: «ده كان بيعمل أزمة، لأن كل واحد دافع ألف جنيه، وبالتالي مش هيفرق معاه يستهلك قد إيه. لو عنده تكييفات هيشغلها كلها، ولو عنده سخان هيشغله، لأنه في الآخر هيدفع ألف جنيه سواء استهلك أو ما استهلكش».

ارتفاع معدلات الاستهلاك في بعض المناطق

وأشار إلى أن الجهات المعنية اكتشفت ارتفاع معدلات الاستهلاك في بعض المناطق مقارنة بالمبالغ التي يتم تحصيلها بنظام الممارسة، قائلا: «لقوا إن عندهم معدلات استهلاك أعلى بكتير جدا من الفلوس اللي بتتجمع، وبالتالي كان لازم يبقى فيه حل، والحل إننا نركب لهم عدادات».