ريهام سعيد تدعم محمود عبدالمغني وتهاجم البلوجر محمد طاهر بسب برنامجه |تفاصيل

وجهت الإعلامية ريهام سعيد رسالة دعم إلى الفنان محمود عبدالمغني، بعد تعرضه للسخرية في إحدى البرامج التي تُعرض عبر مواقع التواصل الاجتماعي، من تقديم البلوجر محمد طاهر.

وشاركت ريهام سعيد عبر صفحتها الرسمية على فيسبوك، صورة لها مع محمود عبدالمغني، وكتبت : "يا صاحبي ساعات فيه ناس مالهاش لازمة، بتشوف إن الفنان اللي مش بيعمل دوشة ولا بيتكلم عن نفسه كتير مش موجود، بس دي ناس جهلة، أنت من كتر ما الناس بتصدقك  بيفتكروك دايما بأسامي أدوارك".

وواصلت مهاجمة محمد طاهر : "حققت اللي محدش يعرف يحققه، وواحد ابن امبارح حاطط كاميرا وطالع يقول بيفرض نفسه مش بالعافيه، بتتكلم عن مين يا هايف ؟، عن محمود عبدالمغني ؟، هو حصل إيه في الدنيا ؟،باظت خلاص".

واختتمت ريهام سعيد : "سيبك أنت لما اسمك أتذكر بالوحش الدنيا انقلبت، شوف أنت كبير و محبوب أوي إزاي، ممثل شاطر بس ؟، لا أنت فنان كبير   أوي وأنت عارف ده، اسمك شهرهم للأسف".

وكان قد خرج الفنان محمود عبدالمغني، في أول تعليق له، بعد أزمة تصريحات الناقد طارق الشناوي ضده وتعرضه للسخرية في برنامج محمد طاهر.

وقال محمود عبدالمغني في تصريح خاص لموقع نيوز رووم : "بشكر كل اللي دافع عني، وحب الناس كبير والحمد لله على حب الناس، ودي نعمة كبيرة".