شريف منير: «خالد الصاوي ممثل تقيل وبينا كيميا من زمان»
شهدت ندوة فيلم "ليه تعيشها لوحدك" على هامش فعاليات الدورة الـ73 من مهرجان المركز الكاثوليكي المصري للسينما، حضورًا لافتًا من صناع العمل، وعلى رأسهم الفنان محمد رضوان، الذي عبّر عن سعادته البالغة بالمشاركة في هذا الفيلم ووجوده في مهرجان عريق بحجم المركز الكاثوليكي، الذي طالما احتضن أعمالًا لنجوم كبار في تاريخ السينما المصرية.
ندوة فيلم ليه تعيش لوحدك
وقال الفنان شريف منير خلال حضوره ندوة الفيلم: “بشكر كل الجمهور على حضور الفيلم، وسعيد جدًا بالمشاركة في عمل زي ده، خصوصًا أنه بيتعرض في مكان له قيمة كبيرة، والمركز الكاثوليكي شارك فيه نجوم كبار قبل كده، فوجودي هنا شرف ليا”.
وتحدث منير عن علاقته بالمخرج حسام الجوهري قائلًا:"أنا وحسام بينا عشرة قديمة، ولما عرض عليا الدور كنت في البداية متخوف، لكن بعد ما قعدت معاه واتكلمنا حسيت براحة، خصوصًا لما بدأنا نشتغل على ترابيزة بروفات حقيقية جمعتنا كفريق".
مهرجان المركز الكاثوليكي
كما عبّر عن إعجابه الكبير بزميله الفنان خالد الصاوي، الذي يشاركه بطولة الفيلم، قائلاً:"خالد الصاوي ممثل تقيل بجد، واشتغلنا كتير في البروفات واختلفنا واتفقنا، لكن كانت بينا كيميا كبيرة من زمان".
وأضاف: "رانيا المشرفة على الإنتاج فاجأتني بشغلها وتركيزها العالي"، وأشاد بالفنان محمد رضوان: اللي شوفته في (موضوع عائلي) ممثل تقيل أوي، ويمكن لمعانه جه متأخر لكنه فوق الجيد”.
وعن الشخصية التي قدّمها في الفيلم، قال:"شخصية شريف كانت إنسان بيعاني من الوحدة، وكان راضي في البداية، لكن لما حب بنت أصغر منه حس إنه بيتغير، وده اللي أثر فيه".
وانتقد النجم شريف منير ضعف الترويج للفيلم في بداية طرحه، مضيفًا:"مكنش في دعاية كافية للفيلم وده زعلني، لكن لما اتعرض على نتفليكس وحقق مركز من الـ10 الأوائل، وبدأ يشارك في مهرجانات زي الكاثوليكي، حسيت إننا بناخد حقنا دلوقتي، وبتمنى أعمالنا تكبر وتزود الثقة بينا".
يُذكر أن فيلم "ليه تعيشها لوحدك" يُعرض ضمن المسابقة الرسمية لمهرجان المركز الكاثوليكي، ويشارك فيه عدد من الفنانين البارزين، ويُناقش موضوعات إنسانية واجتماعية بطرح جريء ومختلف.شريف منير: خالد الصاوي ممثل تقيل وبعتبره ريتشارد مصر ومحمد رضوان بيمثل وهو سايب ايده
