كواليس انضمام ياسمين رحمي إلي الفيلم الصيني مرحبًا بكم في مطعم التنين |حوار
تصدرت الفنانة ياسمين رحمي تريند محركات البحث، خاصة بعد مشاركتها في الفيلم الصيني مرحبًا بكم في مطعم التنين، الذي أثار الجدل خاصة أن هناك فنانين مصريين تألقوا وأبدعوا فيه، وحرص موقع نيوز رووم على أن يهنئها على نجاحه، وكشفت لنا عن كواليس انضمامها.
إليكم نص الحوار:
س: كيف جاء ترشيحك في فيلم مرحبا بكم في مطعم التنين؟
ج: أي حد يتمنى أنه يشارك في فيلم عالمي زي ده حتى لو بدور صغير، الترشيح تم من خلال شركة دراجون اللي بيرأسها محمد أسامة وهي شركة للكاستينج، كانوا بيدوروا في مصر على ممثلين قابلوني وقابلوا تقريبًا 6000 ممثل وممثلة عشان ينقوا فريق العمل، ومن خلالهم اختارونا.
س: بعد تعاونك في الفيلم مع الطفل عمر الشريف، وجهي له رسالة؟
ج: أحنا صورنا من سنة ونص وهو لذيذ ومرح ومركز في شغله وشاطر وبقوله إنشاءالله توصل للعالم كله مش بس الصين، كل الصينيين بقوا عارفين مين عمر وهو حقيقي مشرفنا في الفيلم وعامل دور حلو جدًا.
س: ما رأيك في ردود الفعل عن الفيلم؟
ج: بيخشوا يكلمونا ويعملولنا فولو على أكونتات عملناها مخصوص على منصاتهم لأن الصينيين معندهمش فيسبوك وإنستجرام زينا، وردود الفعل مش طبيعية ومتابعين كل مشهد وبيتأثروا ويكلمونا ويشاركونا، وأنبسطت من ردود الأفعال.
س: ما التحديات التي واجهتك كممثلة مصرية وسط فريق عمل صيني لتقديم فيلم صيني؟
ج: الفن لغة واحدة، طريفة الإخراج والتمثيل تعتبر واحدة، المشكلة في التواصل الصينيين نادرًا جدًا لو لاقيت حد بيتكلم إنجليزي، هما معتزيين جدًا بلغة بلادهم وأنا بتكلم عربي وإنجليزي بس فكانت هي دي المشكلة، كان في مترجمين لكل شخص فينا بس كنت أحب أني اتواصل معاهم بشكل أسهل من غير مترجم، أنا قعدت شهرين أصور في الصين مع أن دوري مش مساحته كبيرة بس من كتر الدقة أنا اخدت شهرين تصوير.
س: هل فيلم مرحبًا بكم في مطعم التنين سيفتح لك مجالًا في العالمية؟
ج: أتمنى بس شركة دراجون حاليًا بتعملنا تعريف عالمي على مستوى الدول أنا وعمر الشريف
