"محدش كان يعرف أني نصك الحلو".. مي فاروق تحتفل بعيد ميلاد زوجها بشكل مختلف
خرجت الفنانة مي فاروق عن صمتها، لتحتفل بعيد ميلاد زوجها الفنان محمد العمروسي، ولكن بشكل مختلف، حيث أعادت نشر منشور له بعيد ميلاده منذ 3 سنوات، وذلك من خلال حسابها الرسمي على موقع التواصل الإجتماعي فيسبوك.
وعلقت مي فاروق قائلة: “دلوقتي اقدر اقولك بحبك قدام الدنيا كلها وكل سنة وأنت سعيد وناجح وف حياتي عشان ساعتها ما كانش حد يعرف أن أنا نصك الحلو ده”.
منشور محمد العمروسي
وجاء منشور محمد العمروسي منذ ثلاث سنوات، وقال فيه: “عُمر جديد بعيون مليانة فرح وامل شكراً ليك يأرب للهدية اللى بعتهالي اللى خلت أيامي احلي شكراً لكل نظرة خلتني احس اني اتولدت من جديد نصي الحلو شكراً، فى يوم ميلادى”.
مرور ٣ سنوات على لقاء محمد العمروسي ومي فاروق
في سياق متصل، احتفلت الفنانة مي فاروق بمرور ثلاث سنوات على أول لقاء جمعها بزوجها الفنان محمد العمروسي، مستعيدة تفاصيل بداية قصة حبهما برسالة رومانسية عبر حسابها على موقع «فيس بوك».
وكتبت مي فاروق: «كان يوم حبك أجمل صدفة .. لما قابلتك يوم 19/7/2023 صدفة».
وأضافت: «عدي 3 سنين من يوم ما اتقابلنا أول مرة في حياتنا صدفة، لا كنت تعرفني ولا كنت أعرفك، وكان ربنا كاتب اللقاء وله حكمة».
واختتمت رسالتها بكلمات مؤثرة، قائلة: «أتارينا كنا مكتوبين لبعض.. بحبك».
وتفاعل عدد كبير من متابعي الفنانة مع منشورها، متمنين لها دوام السعادة والاستقرار في حياتها الزوجية، ومشيدين بكلماتها الرومانسية التي لاقت انتشارًا واسعًا عبر مواقع التواصل الاجتماعي.
انتقادات مي فاروق بسبب زواجها
وقد ظهرت المطربة مي فاروق في لقاء خاص على منصة المشهد مع الإعلامي “محمد القس”، لتتحدث من قلبها عن الانتقادات التي طالتها وقت زواجها من الفنان محمد العمروسي.
حيث قالت مي فاروق في حديثها: “التعليقات كلها وقت زواجي كانت في حتة ما تعيشي تربي ولادك، مش عيب عليكي وعلى طول بنتك اللي واقفة جنبك أن أنتي بتتجوزي تاني، وكمان لابسة فستان فرح ده ايه البجاحة دي، ياسلام هو أنا واخداه من دولابكم، وكل ده شوفته يوم الصباحية زي ما بيقولوا، أنا مصر كلها بتتكلم عليا اللي بيهاجم واللي بيدافع واللي بيرد، وفي دكاترة نفسيين بيحللوا اللي بيتقال، واللي بيحللوا شخصيتي، أنا كنت محتوى غريب في الفترة دي، بقيت قاعدة بتفرج وأضحك، والمنشتات اللي نزلت وكسرتوا فرحتي ليه، أنا محدش يقدر يكسر فرحتي مادام أنا فرحانة ده غير أن أصلا مقولتش كده، أنا ولا اتكلمت ولا قولت حاجة غير أني اتجوزت وعملت فرح”.
