مي فاروق تحتفل بمرور عام على المقابلة الأولى مع زوجها محمد العمروسي
احتفلت الفنانة مي فاروق بمرور عام على أول مقابلة جمعتها بزوجها الفنان محمد العمروسي، وذلك من خلال نشر صورة جمعتهما عبر حسابها الرسمي على موقع تبادل الصور والفيديوهات إنستجرام.
وأرفقت مي فاروق الصورة بتعليق قائلة: “كان يوم حبك أجمل صدفة، لما قابلتك يوم 19/7/2023 صدفة، عدي ٣ سنين من يوم ما اتقابلنا أول مرة في حياتنا صدفة لا كنت تعرفني ولا كنت اعرفك وكان ربنا كاتب اللقاء و له حكمة أتارينا كنا مكتوبين لبعض، بحبك”.
انتقادات مي فاروق بسبب زواجها
وقد ظهرت المطربة مي فاروق في لقاء خاص على منصة المشهد مع الإعلامي “محمد القس”، لتتحدث من قلبها عن الانتقادات التي طالتها وقت زواجها من الفنان محمد العمروسي.
حيث قالت مي فاروق في حديثها: “التعليقات كلها وقت زواجي كانت في حتة ما تعيشي تربي ولادك، مش عيب عليكي وعلى طول بنتك اللي واقفة جنبك أن أنتي بتتجوزي تاني، وكمان لابسة فستان فرح ده ايه البجاحة دي، ياسلام هو أنا واخداه من دولابكم، وكل ده شوفته يوم الصباحية زي ما بيقولوا، أنا مصر كلها بتتكلم عليا اللي بيهاجم واللي بيدافع واللي بيرد، وفي دكاترة نفسيين بيحللوا اللي بيتقال، واللي بيحللوا شخصيتي، أنا كنت محتوى غريب في الفترة دي، بقيت قاعدة بتفرج وأضحك، والمنشتات اللي نزلت وكسرتوا فرحتي ليه، أنا محدش يقدر يكسر فرحتي مادام أنا فرحانة ده غير أن أصلا مقولتش كده، أنا ولا اتكلمت ولا قولت حاجة غير أني اتجوزت وعملت فرح”.
“عملت حلال ربنا والجواز إشهار”
واستنكرت مي فاروق ما حدث من انتقادات قائلة: “أنا عملت ايه غلط، مش أنا عملت الصح والحلال واللي يرضي ربنا وولادي وعيلتي ويرضيني أنا والراجل اللي في حياتي، في حاجة عيب في حاجة فجة بتحصل، هو ربنا مقاليش أن من حقي ارتبط تاني، ربنا فرض عليا أني لو ارتبطت تاني ملبسش فستان أبيض، هو مش الزواج إشهار ولا ايه ما أهو إشهار أهو، أنا حرة ده موضوعي أنا ايه اللي يضايقكم، بقينا في مجتمع بيعلق على أي حاجة بتحصل، أنا عمري ما شوفت حد بيتشتم عشان عمل حلال ربنا والصح، كنت مايتة من الضحك يا جماعة أنتوا بجد ولا أنا اللي مجنونة".
