غدر الأقارب.. أسرة محمد تكشف لـ نيوز رووم كواليس مقتله على يد أبناء عمته

في حادث أثار جدلا كبيرا على مواقع التواصل الاجتماعي، كشفت أسرة الشاب محمد بمحافظة القليوبية، تفاصيل مقتل نجلهم على يد أبناء عمته، حيث أكد والد محمد، خلال تصريحات خاصة لمراسلة «نيوز رووم» نيفين أحمد، أن نجله ذهب لعمله في بداية اليوم بشكل طبيعي، وبعد انتهاء العمل وهو في طريقة إلى المنزل بصحبة شقيقة، كان في انتظاره زوج عمته ونجله وشخصين أخرين.

وأضاف: «فضلوا مراقبينهم لحد منطقة مفيهاش كاميرات وكتفوهم وضربوهم.. وبعدين قالوا لمحمد ابني لو كنت راجل تعالى عند بيتنا».

وواصل: «أنا رجعت من شغلي لقيت زوجتي بتقولي الحق محمد بيتخانق.. ونزلت لقيت في أكثر من 4 أشخاص ملمومين عليه وبيضربوه هو لوحده.. الناس بتراقبه وحافظين مواعيده ودارسين كل شيئ.. وديت ابني للمستشفى كان الجمجمة متهشمة من كتر الضرب».

وأكد أنه حاول أكثر من مرة أن ينهي النزاع بين نجله وأبناء شقيقته، قائلا: «أنا حاولت أكثر من مرة أنهي النزاع ورحت لأختي لكنها مكانتش بترد عليا»، مشيرا إلى أن هناك ما يزيد عن 3 أشخاص حاولوا التدخل وحل النزاع، لكنهم كانوا يرفضوا بشكل قاطع، مضيفا: «هما كانوا عايزين يقتلوه».

وأشار أن نجله محمود كان قد سبق وخطب أحد بنات عمته، لكن الخطبة لم تستمر طويلا، قائلا: «الخطوبة اتفسخت لكن محمد مكانش ليه أي علاقة ومش زي ما بيتقال إنه كان بيحرض على فسخ الخطوبة هو ملهوش دعوة العلاقة انتهت بسبب الخلافات، بالعكس كان بيقولي نكمل الجوازة».

واختتم حديثه قائلا: «أنا مش عايز غير إن حقي يجي بالقانون والشرع اللي قال عليه ربنا علشان ابني معملش حاجة علشان هو يجي من آخر الدنيا يقتل ابني».

ومن جانبها قالت والدة محمد: «أنا أول ما شفت ابني مرمي على الأرض قلت ده مات.. وعرفت إن عمته مخططة من قبلها إنهم يقتلوا ابني هي وولاد عم جوزي.. كل ده علشان أنا مكنتش موافقة على الخطوبة من الأول، حتى هددت بنتي كمان إنها هتضربها في الشارع، كل ده بسبب موقف خلاف ومحمد ابني بيقول لعمته أهدي ومينفعش الخناق ده راح ابنها ضرب ابني ومحمد ضربه بالقلم، ومن يومها في شهر5 وهما مخططين يقتلوه مع إني حاولت ألم الموضوع».

وواصلت والدة محمد حديثها قائلة: «أنا عايزة حق ابني».