"بكلم حبيبي 5 مرات في اليوم".. سالي عبدالسلام تؤكد مدى تعلقها بالصلاة
كشفت الإعلامية سالي عبدالسلام عن حبها الشديد وتمسكها بالصلاة والمواظبة عليها، وعدم ترك أي فرض، وذلك من خلال تصريحات في إحدى لقاءاتها التليفزيونية.
علاقة سالي عبدالسلام بالصلاة
حيث قالت سالي عبدالسلام في تصريحاتها: “عندي الصلاة دي رقم واحد في حياتي، تخيلي بكلم كل يوم حبيبي 5 مرات، بكلم ربنا 5 مرات، وأروح أحكيله واقوله واشتكيله شوفت يارب عملوا فيا ايه، وبيبعتلي مسدجات أنا علطول سورة البقرة شغالة في البيت، فالاقي رسايل بتجيلي عن طريقها”.
سر خسارة وزن سالي عبدالسلام
في سياق آخر، قد كشفت الإعلامية سالي عبدالسلام عن السبب وراء خسارة وزنها في فترة قصيرة بعد ولادتها لابنها هارون، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
حيث قالت سالي عبدالسلام في منشورها: “اللهم بارك، الناس بتقولى ازاى خسيتى ورجعتى تانى فى وقت قصير كدة؟، اكيد هقول ومش هخبى زى غيرى ويمكن ده دورى انى اقول الحقيقة بس اول اجابة عندى هى من كتر التنمر والتريقة و خفة الدم اللى حصلت فيا وانا حامل ده كان اكبر حافز عشان مكملش فى الاكتئاب بجد!، لا انا عارفة ان كان شكلى صعب اوى، بس مكنتش عايزاهم يضايقونى اوى كدة، واهم انجاز انى رضعت طبيعى وهارون مدخلش حضانة الحمدلله، و كملت لفترة واللى ساعدنى الفيتامينات مع ان اتقالى مش هترضعى طبيعى وربنا كرمنى و عملت كل اللى عليا ربنا يعلم، وفى نفس الوقت اول ما وقف ادرار اللبن كان لازم اظبط نفسى واهم حاجة نفسيتى وكنت بعيط كل يوم، مش هقولكم المياة و الرياضة زى ناس، انا اخدت مونجارو تحت أشراف أطباء باطنة، و أنا روحت عيادة، وعلى فكرة لازم نظام غذائى ونوقف السكر والنشويات عشان نخس ومنتعبش ويحصل مضاعفات، ولو وقفنا فجأة نتخن لازم تتبطل بنظام، يا رب محدش يعدى بكل اللى انا عديت بيه، و لو هقيد واحدة بس كانت فى ظروفى انا هبقى مبسوطة، ومن فضلكم ادعولى كتير
تجهيزات سالي عبدالسلام للولادة
في سياق منفصل، قد حرصت الإعلامية سالي عبدالسلام على أن تشارك متابعيها مراحل ولادتها وتجهيزاتها ومعرفة نوع الجنين، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام، وكشفت من خلاله عن دعوة تعلمتها من الشيخ خالد الجندي.
