سالي عبدالسلام تكشف سر خسارة وزنها: "خدت مونجارو" |فيديو
كشفت الإعلامية سالي عبدالسلام عن السبب وراء خسارة وزنها في فترة قصيرة بعد ولادتها لابنها هارون، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
سر خسارة وزن سالي عبدالسلام
حيث قالت سالي عبدالسلام في منشورها: “اللهم بارك، الناس بتقولى ازاى خسيتى ورجعتى تانى فى وقت قصير كدة؟، اكيد هقول ومش هخبى زى غيرى ويمكن ده دورى انى اقول الحقيقة بس اول اجابة عندى هى من كتر التنمر والتريقة و خفة الدم اللى حصلت فيا وانا حامل ده كان اكبر حافز عشان مكملش فى الاكتئاب بجد!، لا انا عارفة ان كان شكلى صعب اوى، بس مكنتش عايزاهم يضايقونى اوى كدة، واهم انجاز انى رضعت طبيعى وهارون مدخلش حضانة الحمدلله، و كملت لفترة واللى ساعدنى الفيتامينات مع ان اتقالى مش هترضعى طبيعى وربنا كرمنى و عملت كل اللى عليا ربنا يعلم، وفى نفس الوقت اول ما وقف ادرار اللبن كان لازم اظبط نفسى واهم حاجة نفسيتى وكنت بعيط كل يوم، مش هقولكم المياة و الرياضة زى ناس، انا اخدت مونجارو تحت أشراف أطباء باطنة، و أنا روحت عيادة، وعلى فكرة لازم نظام غذائى ونوقف السكر والنشويات عشان نخس ومنتعبش ويحصل مضاعفات، ولو وقفنا فجأة نتخن لازم تتبطل بنظام، يا رب محدش يعدى بكل اللى انا عديت بيه، و لو هقيد واحدة بس كانت فى ظروفى انا هبقى مبسوطة، ومن فضلكم ادعولى كتير”.
تجهيزات سالي عبدالسلام للولادة
في سياق منفصل، قد حرصت الإعلامية سالي عبدالسلام على أن تشارك متابعيها مراحل ولادتها وتجهيزاتها ومعرفة نوع الجنين، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام، وكشفت من خلاله عن دعوة تعلمتها من الشيخ خالد الجندي.
وعلقت سالي عبدالسلام على الفيديو قائلة: "منظرنا وحش جدا، مفتحش السبراى عشان كنا بنتأكد انه ازرق قبلها وفتحناه و قفلناه بسرعة بااااظ، بحبكم من قلبى ومحتاجة كل دعوة ، ماشاء الله اللهم بارك واحفظه واحميه واجعله ذرية صالحة و العوض و قر عينى بيه انا ومؤمن، احلى دعوة شيخ خالد الجندى قالهالى لما قولتله ادعى بأيه تبقى دعوة شاملة، قالى اقول" جاملني فيه يا رب “ الله، اللهم ارزق كل اللى نفسه وكل حد جاله امل..اللهم اجبر كل قلب مشتاق، اللهم طمن كل ام على ولادها و اجعلهم سند و ضهر و عوض، شكرا من قلبى..ومش كلام والله انتوا السبب ..دعواتكم كانت وهتكون سحر!، ابنكم عارفة ان ليكم فيه و كل واحد فيكم دعا بيه ..فى قلبى لاخر عمرى و هفضل احكيله الحكاية دى …رزقى ..ورزقى جميل يا رب اللهم بارك ماشاء الله وحبب فينا خلقك”.
